馬來西亞 選舉舞弊 大全

一直以嚟,香港人以為南洋政治係天方夜譚,所以我講南洋政治,好多人以為我講笑話,因為太膠。只不過,今年香港立法會選舉,梁振英為保住命仔,無所不用其極。我都要講吓南洋 選舉舞弊 啲黐線嘢,等大家有所防備。

1. 即刻變永久居民

納吉-梁振英-1

你話資訊科技界成棚人入IEEE種票,講黐線,都未夠納吉把炮,納吉夠薑將成棚攞紅色永久居民,無權喺國會選舉投票嘅孟加拉外勞,一夜之間變馬來西亞公民,條件係投票支持國陣。香港如果咁玩 選舉舞弊 ,入境處一定好多鬼嘢,巴拿馬文件披露過有成棚紅二代變咗永久居民。我相信呢度種嘅票好多,而且點種都得。

2. 停電點票

梁振英-納吉-2

馬來西亞國會大選可以離譜,點票期間,本來反對黨領先,點知突然停電,然後反對派輸咗。呢啲膠事梁振英絕對夠薑做,所以監票人員,必須要帶強力LED電筒,甚至露營用LED照明入場,唔好俾班hihi暗黑中亂嚟,亂咁加啲無厘頭票箱,或者貍貓換太子。

3. 軍警票

喺全世界嘅獨裁國家,軍警票往往都係仆街票,而馬來西亞,軍警係提早投票(又話怕亂),甚至政府會因應情況,將啲軍警選民登記調嚟調去,然後搞亂投票結果。所以果啲財政司司長法團做業主嘅政府宿舍,同中資公司擁有嘅物業,大家係必須提防,佢地喺呢啲地方種票,呢種 選舉舞弊 手段,你完全吹佢唔漲。

小弟以南洋華人後代身份,祝香港呢個我成長嘅地方好運。




捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *