如何炮製上位

以下段落,會暫借來刊登火星電視台節目火星撞地球的環節,乜乜與李。

大家好,呢集第一集乜乜與李,我係節目主持人乜水。今次我要介紹一味餸,最近好多人都想學點整,叫做上位。

先睇材料先:

1. 要一頂由美國頂級大學入口嘅博士帽,如果俾唔起錢,可以用兩頂疊住嘅碩士帽搭夠的。

2. 要厚顏霜一樽,有必要時要夠兩樽

3. 仲有一樽人權術語

4. 仲有屁股一個

材料係咁多。睇住炮製步驟先

1. 首先,你要挖走你自己嘅良心同好心腸,換副壞嘅上去。

2. 然後自己搽上好厚嘅厚顏霜落自己個面度

3. 之後將一樽人權術語塞落自己嘅口度

4. 之後去日月神報嘅周末乜觀點果位,將你口裡面嘅人權果些偉大術語吐晒出來

5. 之後你會有一批熱血青年搵你,你要出賣佢地,果陣應該好多人同你改姓汪嘅,唔緊,你換咗副壞心腸,你唔會有感覺嘅。

6. 之後將自己的屁股,呈上在你認為可以幫你上位嘅人面前,咁就very good喇。

不過呢味餸要整好耐,因為要重複往前第5至第6步,幾年後,就會被賞識,然後一道菜叫上位就大功告成。因為時間關係,大家可以睇吓汪精久先生,點樣在皇后碼頭示範後,又去第二度示範嘅。由於某國有食狗肉的優良傳統,所以材料狗性越強越滋味。

多謝各位睇完乜乜與李,下次在火星時間x時x分,再同大家見面。

One thought on “如何炮製上位

發表迴響

你的電子郵件位址並不會被公開。 必要欄位標記為 *