推薦候選人? 不如賣 選舉廣告 算吧

喺過往嘅立法會選舉,呢度無賣 選舉廣告 ,反而會免費推薦心儀候選人,目的都係為咗香港好。

選舉廣告-1

只不過,今年嘅立法會選舉,何以講係有史以嚟最具厭惡性嘅一次選舉,各派自己打自己打到傻(預咗,黑爾基數最大餘額法比例代表制嘅惡果),另一方面,候選人用啲手段,簡直係沒有最無恥,只有更無恥。而候選人水準,更爛到唔知點揀嘅地步。至少我作為新界西選民,完全唔知點投,投廢票白票又唔係,但要揀又唔知點揀好。暫時,我自己登記資訊科技界功能組別,我反而有好清楚投票意向,因為中共推薦嘅候選人爛到無朋友。

既然係咁,我不如開放呢度做 選舉廣告 平台算。任何候選人,有意喺我呢度同facebook page賣廣告,可以喺facebook PM我,或者電郵到[email protected]。而 選舉廣告 嘅價錢,視乎我對候選人嘅厭惡度而定,我越厭惡就越貴,而投票日就特別貴。

提醒候選人,Facebook由9月1日開始,實施branded Content Policy,有藍剔嘅page可以幫第三者賣廣告,無藍剔果啲就唔可以收錢「特約轉載」,否則facebook會移除有關廣告。當然自己賣自己廣告,就facebook唔會管你。

呢場選舉打到泥漿摔角咁,連食花生都食到想嘔白泡,咁不如賺多兩個錢好過。




捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *