李國章 點解要擦鞋擦到咁核突?

李國章 教授本來行事作風都幾核突,只不過,近年可以用無最核突,只有更核突去形容。 李國章 有錢,佢七十歲人,政壇升到做局長已經係頂峰,雖然DBC執咗,但佢喺DBC搵到第二春,算係人生贏家。何苦要做人核突成咁,真係衰收尾。

只不過,我用一個屋企做生意第二代角度去諗, 李國章 為咗 東亞銀行 呢盤家族生意,佢咁做無可厚非,而近日標準普爾對 東亞銀行 嘅評級展望,印證咗我呢個諗法。

李國章-東亞銀行

東亞銀行 受中國經濟影響,撥備越嚟越多。依家評級機構要評估銀行前景,係用係唔係「too big to fail」做評斷標準,銀行同政府嘅關係,政府會唔會出手救佢,係評級前景嘅關鍵。

渣打同HSBC係一定會有政府救,因為堅係 too big to fail,而渣打可能同時有英國、香港同新加坡政府相救。英國主要結算行,香港發鈔行,淡馬錫控股主要投資,政治保險買到十足。但 東亞銀行 ,唔係發鈔銀行,唔係主要西方國家嘅銀行,又無淡馬錫呢類主權基金照,咁 東亞銀行 一旦有事,邊個救佢至得,唔想俾人吞併,唯有靠攏政府。

李國章 不惜英名盡喪,為嘅可能係一眾 東亞銀行 股東。只不過,香港政府會唔會領佢情,好難講。張震遠夠搏老命幫梁振英,大家睇商交所嘅下場係點至得架。DBC死政府都無點出聲,如果 東亞銀行 要政府支持,政府會唔會支持佢?

標準普爾呢次悲觀評級,係有理由嘅。


發表迴響

你的電子郵件位址並不會被公開。 必要欄位標記為 *