梁天琦對香港殖民政府:梁天琦書面回覆何解

梁天琦-回覆

梁振英條仆街搏大霧,出確認書呢招想梁天琦唔駛選。而梁天琦喺申請高等法院司法覆核特快排期失敗後,回覆選舉主任對佢嘅提名嘅電郵查詢。

有好多人唔識睇封擺明係佢嘅代表大狀,即係李柱銘御用大律師,以及潘熙資深大律師所草擬,並以梁天琦名義發出嘅回覆嘅法律用意,係咁話梁天琦妥協。呢次,我覺得我要以一個法律觀點,抽時間以正視聽。

1. 由於政府喺泛民唔簽確認書情況下,都承認佢地嘅提名有效,吳文遠好大機會都係咁情況,甚至政府眼中無咁麻煩啲獨派候選人,都承認提名,青年新政游蕙禎嘅提名都確認咗,大家就知乜事。換言之,反確認書官司,好可能得梁天琦有得繼續打,作為梁天琦嘅代表律師,佢地要考慮唔係梁天琦流失幾多票,而係梁天琦為官司做好準備,因此,梁天琦唔係學熱普城班友(唔計黃毓民,佢成本基本法攞去簽,呢次放過佢)唔理三七廿一簽咗先講,而且明知要打官司下都打落去,佢喺政治上道德無大問題。

2. 呢次以梁天琦名義發出覆函,主要要政府承認呢兩點:

a. 除《立法會條例》第40條臚列事項,政府不得以條文以外任何原因推定提名無效。
b. 傳聞陳述(Hearsay Statement)不得作為選舉主任作出任何決定理據。

呢個係根除梁振英玩嘢嘅重要一步。所以我覺得政府會監粗嚟,不惜一切令梁天琦唔駛選,呢封信,係司法覆核嘅序幕。如果用呢個角度睇,梁天琦呢封戴晒頭盔嘅信,係盡咗佢嘅本分。

發表迴響

你的電子郵件位址並不會被公開。 必要欄位標記為 *