立法會選舉2016:所謂確認書根本係政治僭建


2016年立法會選舉土共選情告急,呢個唔駛講,特別港獨派同歸英派興起,更加係。只不過梁振英呢件冚家鏟,除咗古惑招,乜都唔識,諗到要用份「確認書」,可以阻止港獨派去選立法會。

大家要了解,立法會選舉嘅提名表格,唔係亂咁設計,基本上,係根據《立法會條例》第40條設計。《立法會條例》係咁寫

螢幕快照 2016-07-16 下午7.08.46

簡單嚟講,成文法寫乜,份表格就有乜。而原本份提名表格,事實上都係謹守《立法會條例》第40條設計,並且表格標題清楚標明法源

螢幕快照 2016-07-16 下午7.06.06

但依家份確認書係乜嚟,標題係無法源,我想問選舉主任憑乜撚嘢理由,disqualify有簽提名表格嘅法定聲明,但唔簽確認書果啲候選人

螢幕快照 2016-07-16 下午7.15.56

如果咁僭建都得,不如要所有候選人要聲明擁護共產黨,你玩晒喇。

當然,JR勝算如何,好難講,但如果咁玩嘢令本民前、青政、或朱凱迪呢幾個講明唔會簽呢份on9文件,而有一定擁護者嘅候選人無法參選,就真係香港準備出現新芬黨同共和軍都得。梁振英呢啲心理變態,幾時去見上帝,有無人可以幫我問涼枌蟲?

但可以肯定係,第一個衝出嚟簽呢份嘢嘅熱普城,實係假港獨兼港奸,信佢一成都雙目失明。

發表迴響

你的電子郵件位址並不會被公開。 必要欄位標記為 *