無戰略戰術不可談心戰

近日膠到無朋友嘅的政治任命低能官員風波,除咗搞到成街都係狗屎,報紙突然成日提起心戰室。心戰室前,心戰室後,講到肥彭年代心戰室點勁點勁,但查實佢地知唔知心戰室實際嚟做乜?

當年彭定康最強的絕技,是英國人傳統的「針對性部署」,根據中方的戰略和戰術弱點來部署。中方的傳統戰術和戰略弱點係資訊封閉,記者提問十問九唔應,才會有彭定康的心戰室吹風會,在很多新聞上餵到記者飽為止,造成篇幅上由英方論述一面倒,達致「傳媒戰的飽和攻擊」。

講到尾,心戰室的本質就是軍隊參謀部,而參謀部最忌就是滿口有姿勢無實際的術語,要打人就要一擊即中,要防守也要防守到位,或預計要多少炮火守下去。

所以,如果所謂特首辦中人,根本無大戰略思想,或戰術思想水平太低,你讀多少Dick Morris的書都係嘥氣。依家成棚膠人就係無戰略戰術思想,又要學美軍打仗,咁結果同中國人民解放軍一樣,一旦出事就膠到無朋友,仲有乜好講。

當然,中國膠最憎係馬奇維利主義者,同埋講求實用主義的軍事專家,所以我睇,膠仗會繼續有,直至大家膠到死咗為止。

發表迴響

你的電子郵件位址並不會被公開。 必要欄位標記為 *