ERP 一定得?

eat-ripe-products-juice-shop-front-view-little-india-directory-singapore

雖然香港膠府同倫敦膠府都向新加坡學習,搞ERP,但新加坡人係好憎ERP,由新加坡呢間果汁店用ERP嚟玩膠,反映咗出嚟。

螢幕快照 2016-06-27 下午7.27.20

ERP Avoidance,幾乎係新加坡人嘅駕駛常識,新加坡好多人都有裝Galactio SG呢個App,呢個App最為新加坡度身訂造嘅地方在於,除咗避塞車,仲會度一個經過最少ERP閘道路線。而ERP迴避行為嘅結果,就係新加坡嘅交通擠塞充滿不可預測性,同埋唔應該塞車嘅橫街窄巷,或唔順路有車流地方,都會塞車,因為大家寧願俾多啲油錢同時間,都唔想俾ERP費用。

新加坡係一個無乜山嘅國家,ERP迴避行為雖然都會令交通好膠,但至少你避到ERP,未必造成大問題。但香港呢?

大家諗吓喺灣仔出現ERP閘口,就知會有幾膠,如果ERP出現喺軒尼詩道、告士打道、中環-灣仔繞道,大家可以想像到之後皇后大道東、堅尼地道、駱克道、謝斐道等全部都係車,情況仲膠仲混亂。而羅便臣道、堅道、般含道變成ERP迴避道路嘅話,根本想像唔到。

所以我奉勸張炳良,如果唔想全民問候你娘親,最好咪玩ERP。當然新加坡諗住玩GPS based ERP,呢個會造成另一個問題,之後再談。

One thought on “ERP 一定得?

發表迴響

你的電子郵件位址並不會被公開。 必要欄位標記為 *