無同志婚姻唔緊要?你連使館搞同志婚姻都唔俾?塔利班治港呀?

20150721163018

西方國家無論天主教或基督教幾佔主導地位都好,好多都已經引進同性婚姻,或者民事結合(civil partnership),因為無論你認唔認同都好,好多遺產繼承、危疾監護等問題,都必須以法律方式解決,而同性婚姻同民事結合,只要維持一對一嘅關係,喺法律技術角度係無可避免。

香港唔引進民事結合或同志婚姻,已經令好多法律界中人感到好煩。咁唔緊要,你香港政府怕得罪蔡志森呢啲宗教狂熱分子啫,咁可以由英國出面,由英國駐港總領事館去根據英國法律,對在港BN(O)同英國公民進行婚禮,最好有乜離婚案,就唔該麻煩啲稍移玉步到英格蘭法院打。

但依家垃圾桶劉江華先啱,係唔俾英國駐港使館做呢件事。

Vince Ma向我國國會提交嘅書面申述

成件事最荒謬係,中國政府反而准英國駐上海同北京使館搞同性婚姻,包括BN(O),點解香港反而唔俾先?你劉江華幾時同蔡志森結盟㗎。

香港政府因政治壓力唔搞同性婚姻或民事結合,我可以理解,但英國使館喺香港要幫國民搞同性婚姻,根本唔關你劉江華事。唔該香港政府咪咁諸多事幹。

發表迴響

你的電子郵件位址並不會被公開。 必要欄位標記為 *