何時 不盼 不求 不等 將軍或英雄

12802749_10153487604591314_5983209539699149855_n

新東補選,6號梁天琦未有因年初二旺角騷亂被打落嚟,相反,佢嘅進逼令膠黨要改曾國豐、余冠膠兩條友嘅膠打法(公民黨內部好多問題,呢個係我退黨原因之一),帶起時代風潮,雖然最終楊岳橋勝出,但亦完成咗Anyone but Holden Chow嘅戰略目標。

當梁天琦氣勢如虹之際,黃毓民呢啲同劉慧卿心態一樣嘅老人家就要抽水,普羅政治學苑、熱血公民同埋香港復興會乘勢推咗五個好多港獨派同本土派唔接受嘅人,混水摸魚。

我一直以嚟,認為最形容到我心目中嘅勇武,係台灣組合五月天首《將軍令》

我最鍾意以下歌詞:

戰場 不會 放過 你我
直到 人們 覺醒 自我
何時 不盼 不求 不等 將軍或英雄

此生到盡頭 你是誰 曾怎麼活 他們說 就讓他們去說
生命如長風 吹過誰 的心頭 你想被記住 的那個名字 將會是什麼

蒼空盼飛鴻 蒼生等英雄 我們顛沛千年依然還在等候
失去了土地 失去了天空 自問 不能失去什麼

此刻到永久 你是誰 要怎麼活 為什麼 還在問為什麼
生命如長風 風中誰 在問我
你想被記住 的那個名字 將會是什麼
你相信什麼 你執著什麼 你就是什麼

中國確實唔會放過任何香港人,直至香港人對自主嘅覺醒,包括對英國或中國嘅眷戀(歸英只係過渡手段,最終係全面嘅香港獨立,一個奉英女皇為元首嘅君主立憲國家),包括唔再崇拜任何英雄或偶像。不等將軍或英雄,至會有真正嘅香港獨立。

既然年青人知道自己做乜,想做乜,點解仲要俾黃毓民呢啲人騎劫?黃毓民曾經啟蒙好多人,甚至時至今日,佢仍然係最佳嘅電台評論節目主持人,但當一個人被權力腐化,做攝石人做到《男親女愛》嘅蕭亮咁嘅時候,點解我要支持黃毓民支持果五條友。

一如我對退出咗學民思潮嘅攝石專家黎汶洛都嚴重批判一樣,本土派係時候自己嘅路,今次如果唔係有黃毓民,梁天琦食晒新東激進基本盤嘅十一萬飛係有呢個能力。黃毓民嘅出現,變相令楊岳橋當選,呢個正係吊詭嘅政治現實。

當大家再唔崇拜乜嘢教主、皇上等等嘅時候,真正嘅自立自強至會來臨。要崇拜一個君主,崇拜倫敦果個無權力嘅君主,食吓花生好。

最後,我希望大家認真聽五月天首《將軍令》,再回覆我

One thought on “何時 不盼 不求 不等 將軍或英雄

  1. 有啲奇怪點解你會話歸英只係過渡手段… 你叫啲喺香港嘅英國人點諗好,特別係你已經係公民,難為嗰啲有如中世紀時代要從軍先可以登記做公民嘅英國國民,你咁講原全係傷害緊佢地嘅國家認同…

發表迴響

你的電子郵件位址並不會被公開。 必要欄位標記為 *