推高投票率,大家有著數

12794452_906279992817589_707799379189132755_n

首先,小弟再重申一次兩點先

1. 小弟唔係D100員工或主持

2. 小弟支持6號梁天琦立場唔變

好啦,大家點解讀呢次民調結果。容我用一個概念分析:民調支持轉化成選票有幾多,決定勝負。

表面上,7號楊岳橋大律師民調佔優,問題係泛民嘅支持者投票率偏低,特別你知道公民黨甚至泛民各黨嘅催票機器膠到一個點果陣,如果投票率唔高過45%,楊岳橋幾難捱。3號周浩鼎雖然民調排第二,但大家都知土共有幾多掌心雷票、蛇齋餅綜票、盲毛票、賣港票。而6號梁天琦支持者投票率一定高,問題係,有好多年青人,好可能因未趕得切登記做選民,呢次補選投唔到票。

所以依家唔好浪費時間講乜嘢棄6保7,棄7保6,完全無意思。要anyone but holden chow,大家要做嘅事,就係推高投票率,要確保每一張6號同7號支持者嘅票都係票箱,呢個最重要。

仲有一樣嘢,我要提醒6號支持者,你們必須有十分充足嘅人監察點票過程,楊岳橋我唔擔心,公民黨一向有大量律師、大律師睇實點票過程。但本土民主前線呢次係人手不足,最好搵夠熟讀選舉規則嘅人監票,同將成個過程facebook上網。呢次選舉講到咁重要,689出術有乜出奇。

發表迴響

你的電子郵件位址並不會被公開。 必要欄位標記為 *