綠營贏大選教曉本土派乜嘢

4aaa08b4bc51e

有去開PTT,睇到呢幅圖都知我講乜。喺馬英九執政時代,次次民進黨攻擊國民黨施政得差果陣,都會攞陳水扁出嚟。陳水扁不單中間選民憎佢,唔少淺綠嘅都對佢有保留,由於出陳水扁都可以傷到民進黨,所以陳水扁被諷刺為國民黨陣營最佳救援球手。

綠營點樣八年時間,攞番政權返嚟,走出陳水扁陰影,就係同陳水扁切割。

由深綠嘅時代力量,到民進黨本身,唔會搵陳水扁助選,甚至陳致中都唔搵,亦唔會引述陳水扁講過乜,更加唔會一直將陳水扁案講成政治迫害。

當然,陳水扁有啲狂熱教徒好唔滿意,甚至陳致中試過出嚟鎅票,鎅到高雄輸咗鐵票區俾國民黨。但好快陳水扁都知呢個係策略上嘅必然,而民進黨四大天王,除咗參選過新北市長嘅游錫堃,因為朱立倫做得太廢被人成日提起外,其餘各人都消失,俾蔡英文、柯文哲、林昶佐、洪慈庸、段宜康呢啲新興力量扶助民進黨重新上路。

本土能否喺立法會多一席,好睇本土支持者睇唔睇呢個智慧,同某啲陳水扁同級嘅負資產切割,擴大本土光譜。有啲人講嘢好叻,信徒好多,但依家係搞政治,唔係搞宗教。有啲包袱係必須放棄,你聽果條友嘅節目,無所謂,但現實政治就係,有啲人只會係負累。

發表迴響

你的電子郵件位址並不會被公開。 必要欄位標記為 *