拜托各位,為梁天琦當選,唔好亂咁打

民主富士康好多人做到跳樓咁滯

Posted by Cheung Ka Chun on Wednesday, February 17, 2016

好多人問我點解會支持梁天琦,我一直都係以日本幕末人物作為學習對象,不論西鄉隆盛、定係坂本龍馬。咁多年青人走出嚟,我唔信係共產黨俾錢囉。泛民自己檢討一下,2003-2004年果陣,我呢代年青人支持泛民果陣,點解最後一個個失望而回。

但如果大家真係想梁天琦贏,我拜托大家,唔好亂咁打,有啲打法,我只能講係唔要得。黃毓X(我對呢條友係絕對鄙視)對公民黨嘅攻擊,我認為對梁天琦全無幫助可言。

首先,公民黨當年係反對收窄拉布嘅45(1)修訂,而常設委員會亂咁趕人,盤古初開已經係咁,我作為一介平民身為panel meeting嘅guest都被人趕過n次(我經常大聲阻啲人9up,結果被人趕出去,好彩我係英國公民,唔能夠選議會,否則照我中大代表會時代作風,我絕對係搗亂大王)。所以公民黨無乜問題可言,事實上,攞呢個point嘥大家推銷梁天琦好果一面嘅時間,黃x民都唔知係幫人定害人。

另一方面,喺《基本法》框架下,政府係惡晒,如果梁振英要玩嘢,一定濫用政府議案權力,要求修改議事規則,有無周浩鼎都一樣,因為政府議案過半過得,唔駛分組點票,黃毓x話改唔到《議事規則》講法係錯到離譜。俾我,我可以講,因為政府可以亂改規則,所以我要授權個年青力壯嘅出去搗亂。明明對自己有利嘅point,竟然攞嚟倒轉嚟打,所以我成日好懷疑黃先生係咪堅本土囉。

其實如果堅幫梁天琦,不如睇下親左膠嘅本土研究社,點評梁天琦嘅政綱

螢幕快照 2016-02-18 上午4.35.40

又點評楊岳橋嘅政綱
螢幕快照 2016-02-18 上午4.37.54

要顯得左膠嘅反對,由人廢言,為反而反,至係重點。

發表迴響

你的電子郵件位址並不會被公開。 必要欄位標記為 *