我要求真正勇武香港國會議員嘅標準

大家知道,我支持梁天琦係附帶條件,而以上片段,就係我提嘅條件之一。

依家香港政府果種制度蠻橫無理,不知所謂,高鐵、三跑,係咁倒錢落海,惡法一個接住一個,拉布?但飯民有拉咩?最期待佢出嚟做香港朱高正嘅黃毓民,條友去X咗邊度?梁國雄,直情變咗老廉頗,都唔係當年我投佢果個樣。

台灣乜政客都抽得,片中企上檯度隻抽,一個叫洪秀柱,一個叫台南市長賴清德醫生,一個哈佛返嚟嘅大國手都照出嚟同你隻抽。香港需要,係呢種。

仲有一點,係相信獨派嘅要求,選後唔係以香港立法會議員自居,而係以香港王國或香港共和國嘅國會議員(Member of Parliament)自居,一如愛爾蘭獨立戰爭爆發果陣,Sinn Fein嘅House of Commons MP拒絕去倫敦宣誓,而喺都柏林成立國會,自稱TD一樣。

如果梁天琦呢幾個月做唔到,九月本民前就真係玩完,有無料到,好快見到。

發表迴響

你的電子郵件位址並不會被公開。 必要欄位標記為 *