以戰論戰,論初一旺角之戰

Greek farmers protest against government reform plans

2,000 Greek farmers demonstrate against government reform plans in social security, pension and the tax system. When protesters tried to break through a police cordon outside the ministry, clashes broke out and the police fired tear gas to disperse the crowd.

Posted by Channel 4 News on Friday, February 12, 2016

以上係英國Channel 4報導,剛剛發生嘅希臘農民反對政府政策嘅暴力示威,用歐陸標準嚟睇初一旺角嘅混戰,我只能講,呢個世界見到鄭子誠都唔代表有陰謀,雙方打得咁唔專業,邊有咁多陰謀。

先講攻一方,照以上片段,真係有準備,應該有:
1. 電單車帽,預對方用警棍襲擊
2. 戴n95口罩或防毒面具,預防催淚煙
3. 武器係自備,而且有一定攻擊性

你睇希臘農民嘅進攻,再比年初一成班友求其他用外科口罩遮面,安全帽都唔見有幾個戴,然後臨時乜都攞出嚟,由劉江華啲分身到地下起出嚟,而且明顯係因為地下啲磚損耗太勁,求其都掘得出嚟果啲磚掟山嚟。呢場喺歐陸,只係低水準賽事,好心啲愛黨力唔識嘢咪亂吹。

呢次警察點解打到咁水,你睇希臘警察點打就明,啲白衫要前線警員防守係啱,好似希臘咁係堅克制,電視畫面就突顯示威者係暴民。

問題係,今次警察主動挑機,無帶盾牌明知磚頭橫飛仲好似打三國無雙咁亂衝,明知有磚唔係擺長盾陣,以為一味靠惡靠警棍靠胡椒,濫用武力就得,依家示威者俾啲堅少少嘅武力你,你班友就輸到仆喺度。

WTO韓農之役、佔中之役到旺角之戰,示威者嘅戰術水平被濫用武力而被迫提升,但警察一味翻來覆去輸波賴地硬。如果下次真係有人堅有預謀,祝呢班所謂「公務員」好運。

發表迴響

你的電子郵件位址並不會被公開。 必要欄位標記為 *