蠔涌亞視廠房土製炸彈事件:一場鬧劇

10429357_10152991149749227_8503520334262437729_n

中共買通一啲扮本土嘅共匪,以為可以老屈泛民甚至本土派,搶番六七暴動以嚟失去嘅道德喜馬拉雅山。但中國人差不多先生性格不改,連編導一場德國國會大廈縱火案香港版,都變咗仆你個街亞視鬧劇。(仆街係,發現「炸彈」真係亞視廠房)。

1. 本土派或港獨派從來唔用「回歸」呢兩個字,一般用主權移交,甚至共匪佔港,「回歸」?回你老母。

2. 本土派或港獨派唔用「雨傘本土」呢個怪term,基本上視雨傘兩字為左膠用字,所以用「遮打革命」、「遮打本土」,依家單張嗡乜春。

3. 根據林忌研究,香港得一條粉腸唔叫蛇齋餅糉,而係蛇齋糉餅,果條hihi叫英國人周融,唔快啲搵周融去協助調查?

4. 我唔係做design,但我係做過排版,排版佬對font好敏感,我自己打字一定用Monotype字就知我呢方面注重。頂你,由假冒社民連嘅單張,到呢堆貼紙,全部殘體Windows嘅產品,乜本土派用呢啲中共貨嘅咩?

5. 本土派係叫689落地獄,或思歪落地獄,邊有叫「振英」咁親暱。

呢單嘢一場鬧劇,而且土共比想像中更無常識,搵枝生銹mP5氣槍做道具,唔係唔夠維穩費度求其喺亞視廠房搵啲棄置道具當證據?咪咁膠喇。

3 thoughts on “蠔涌亞視廠房土製炸彈事件:一場鬧劇

  1. 搞咁大,「人贓並獲」,唔係即日上庭就一定係第二日!有冇人查下邊間法庭審?大家到場「支持」下。

  2. 佢地嘅fb專頁有殘正轉換會錯嘅殘化字,而且佢地自己寫嘅status將難認識嘅名詞砌埋一堆,好有周融feel。

發表迴響

你的電子郵件位址並不會被公開。 必要欄位標記為 *