信香港中文傳媒一成都死

  

香港啲新聞人,近年患上不求甚解嘅毛病,人報佢又抄,遇上統監府班膠人,正如陳雲所講,個個袁克定上身,古有袁公子偽造順天時報呃老豆,今有中國日報報偽新聞呃港人,偽指英國同歐盟支持袋住先都夠膽死,結果遇正鐵板,全世界恥笑。

大家了解英國嘅政策,就知英國支持袋住先可能性係零,雖然FCO班中國通個個都係太監嚟,但英國國會強硬立場清晰,喺國會無上論國家逆國會意旨係搏炒。仲有啲大中華膠,偽本土人話英國點會救香港人,完全停留喺老共宣傳BNO無人救洗腦宣傳時代思維。在港幾百萬BNO,加上駐汶萊英軍係英國對歐盟談判皇牌,點可能支持袋住先?

歐盟更唔可能支持袋住先,玩綏靖主義,喺東歐甚至唔少西歐國家會被問候娘親。歐盟見錢開眼,早解除咗對中國軍備禁運九世,但依家唔單只解除唔到,法國佬直頭沒收俄國佬訂西北風級戰艦自用,你覺得歐洲佬會支持袋住先?

成班大中華膠、偽本土一鑊中伏,下次睇報紙,記得留意消息來源,睇多幾份英文報紙,或得閒睇寰雨膠事錄仲有益

發表迴響

你的電子郵件位址並不會被公開。 必要欄位標記為 *