飛機上BB仔嘈嘈閉,你應該點睇

10995618_370715379803474_2975047477326264768_n

袁彌明作為政治人物,她咁講肯定係政治七傷拳。因為實有人會因她嘅「白目」言論抽稱佢,但係唔係致命,又未必,港島區呢類言論唔係無市場,大家睇葉劉淑儀都居然攞到一個立法會席位,就明香港政治形象有問題都未必會死人。

小弟剛由東京回港,不過唔係去東京玩,而係去東京公幹,對公幹嘅人,唔理坐商務客位定經濟客位,都會怕BB仔甚至其他旅客嘈嘈閉,因為坐飛機公幹並唔係好玩嘅事,而係好疲累嘅事,喺日本公幹,朝早勁早起身,夜晚仲要喺二手煙滿天飛嘅coffee shop至走係好正常。我諗佢地比一般渡假客,更加有資格要求一個寧靜嘅機艙環境。

飛機BB仔大喊,有時係因為家長唔識處理細路坐飛機耳痛問題有關,我係一個耳水不平衡嘅長期患者,對氣壓極度敏感,我明細路面對氣壓大變嘅辛苦。相信航空公司可以俾多啲乘客指引,協助家長去克服呢個問題。既然都有乜嘢飛行貼士,避免坐飛機相關嘅靜脈問題,更何況教家長處理氣壓。

但有啲,其實係家教問題,香港啲家長己經叫教得好,你遇正一班宇宙至強強國嘅搭客坐嘅機,又有細路,我睇你都係準備耳塞好啲。由一個文化角度去批判呢個問題,相信係比較合乎事實。

呢個茶杯裡的風波,簡單嚟講,係咁睇:有人政治道行不足,用錯角度,唔理何謂政治不正確嘅問題,批判一個應該正視嘅問題。航空公司同家長有啲都無認真處理呢個問題,而有啲人無家教,更加唔駛講。

發表迴響

你的電子郵件位址並不會被公開。 必要欄位標記為 *