專線小巴唔加座位,點搞先

DSC05276

喺我郁一眾受政府資助又無表現嘅左膠前,我想打吓民生議題先

今日假期,來往西貢同坑口港鐵站嘅101M專線小巴出現賓虛咁嘅場面,就算有新巴營運,來往西貢同將軍澳站嘅792M,一樣係賓虛咁嘅情況。

小巴公司照計想加車,但小巴公司無計可施,點解?

1. 根據1976年(無錯,1976年)通過《公共小巴(數目限定)公告》,小巴數量限死4350輛,香港人口己經加咗咁多,都無變。

2. 小巴座位由1988年加到16座位至今,無變過。

但香港人口就暴增,又不斷批小巴線來往鄉郊、新屋邨、新市鎮同港鐵站,咪搞到咁膠。依家仲有長者同合資格人士2蚊搭車優惠,我食住花生等學校假期結束,大家會等小巴等到慶上頭。

DSC05196

有啲巴膠會話,咪轉晒小巴線做巴士線咪得,首先,巴士線班次無咁密,792M無法疏導101M嘅車流正好反映呢樣嘢,小巴同巴士係各有分工。另一方面,巴士線設計極唔靈活,又同土共政客有關。土共觀塘政棍劫持下,將軍澳來往荃灣嘅巴士線無啦啦要經四順一帶,滿足陳振彬一眾白痴嘅連任需要,結果290同290A益咗邊班人,大家有眼見。

政府話保障的士生計,所以要反對小巴加位,大佬,依家街上乜截到的士嘅咩?不如話保障炒牌嘅中國土豪,好唔好?

加小巴數目,可能具爭議性,但對民生有關嘅專線小巴,加座位數目係合理。

One thought on “專線小巴唔加座位,點搞先

  1. 其實真是覺得有些人是心理變態一一阿婆派米、排隊讀書、排隊買樓,看見此真實情況的好此道者會不會好興奮呢?

發表迴響

你的電子郵件位址並不會被公開。 必要欄位標記為 *