走私賊就快將香港聲譽盡喪

IMG_0008

好多人都依家都唔明,點解要反對走私賊,佢地俾錢香港人賺,有乜所謂。

錯到離譜,唔少走私藥房,做生意手法同中國人做山寨貨一樣,香港人縱容呢班友,香港商業聲譽肯定淪喪。

就以克療痰為例,喺香港長大嘅人,都知克療痰係乜嚟,而且亦知個品牌名係用德文,如以下廣告

3184647073_fb4a364d86_z

Alanda Saft就係克療痰嘅名,而唔係Hak Lui Tam,仲要夠膽死出高永文個樣出嚟。我唔知點解,可以俾間咁嘅公司搶註克療痰中文商標,但英文大家都清楚,真正德國藥廠係唔會膠到用Hak Lui Tam呢啲山寨名。

包庇走私賊嘅人,都係毀滅香港嘅人,係無講錯,呢啲膠事實在太多。

4 thoughts on “走私賊就快將香港聲譽盡喪

  1. 張嘢又奇奇怪怪寫住純正中藥提煉喎,中藥,又唔見佢地去北平同人堂搶中藥喎,簡直傷害了祖国自己同胞的感情。

  2. 中文叫濟生堂 , 英文叫 germany east great natural herb. pharm. ltd. , 已經呃到唔少大 6 人 , 佢唔用大 6 拼音呃大 6 人

  3. 其實最原庄正印既係德國光輝牌克療痰, 因為當時港香既代理商只係註冊左”光輝牌”呢三個字, 所以其他生產商依然可以用”克療痰”做商標…而響香港市面出售既無論係西藥抑或中成藥一定要註冊左先賣得, 我諗濟生堂有張證書貼埋出黎, 段估唔會係假貨黎既, 當然呢類影射產品既來貨價錢比起正印版會低成兩 甚至三幾倍價錢, 質素係點, 心水清既大家應該估到

發表迴響

你的電子郵件位址並不會被公開。 必要欄位標記為 *