向 坂本龍馬 學習

坂本龍馬
坂本龍馬

當黃之鋒話要絕食果陣,我不厭其煩,我希望佢唔好絕食,佢依家嘅任務,應該代表香港人去美國華府,尋求奧援,打好為未來香港發展所要嘅關係。要為香港尋突破,就得放眼四海。

2009年我一個人隻身喺《自由時報》以香港角度剖析馬英九親共政策之害,高調聲援馬來西亞民主運動,因為全球化之勢浩浩蕩蕩,無一個國家或個人可以無國際聲援下突破困境。而我從商,終極目標除咗個人富裕(我唔隱暪那樣嘢),商人身份可以做到政客唔方便做嘅嘢。




呢樣嘢,我受日本國父 坂本龍馬 啟發。 坂本龍馬 連官都未做過(明治政府上任果陣,佢亦婉拒出仕,佢只想經營好海援隊,海援隊亦即今日三菱財閥嘅前身),但 坂本龍馬 除咗有日本呢個構想,佢透過從商手段,同時解決長州無武器,同薩摩無米呢個問題,為薩長同盟打好基礎。而 坂本龍馬 放眼世界,才令推翻幕府成為可能。

依家黃之鋒留喺金鐘,唔會諗到左膠方程式以外出路,只有放寬眼界,至能搵到出路,而放寬眼界需要嘅耕耘,唔係一朝一夕,由我2009年喺台灣不斷介紹CEPA之弊,到2014太陽花學運,同埋國民黨全軍覆沒,打咗五年咁滯。而依家黃之鋒唔踏出呢步,以後未必再有機會,我個台灣connection都係2000年台灣大選觀戰評論員身份開始一點一滴建立(大家唔好唔記得我完全無留台背景)。

喺英國國會議員嚟唔到香港,美國國會議員都似乎嚟唔到嘅時刻,既然保釋條款阻頭阻勢,不如去華府一趟更為實際。如果有黃毓民啲徒子徒孫丙黃之鋒,我實會挺身而出。

(至於出賣羊紻嘅陶君行之流,簡直係共諜,人人得而誅之)




捐款:
Citibank Hong Kong: 14830515
恆生銀行:395-158777-882

月捐計劃





想用Google App,經呢度加入:https://goo.gl/PBroUD
捐款者可以索取八折coupon code,慳更多!

發表迴響

你的電子郵件位址並不會被公開。 必要欄位標記為 *