天下大亂之前

由今日開始,會恢復每日一篇文字blog post,遲啲會有Video格式嘅短篇評論(雖然我唔係靚仔)。

呢幾個月忙於自己嘅生意,亦幫手整理D100部分節目製作嘅流程(大家睇到《風波裏的自由Phone》,應該會明白我做緊乜),但喺佔中大勢將近嘅時刻,我覺得我個blog有必要提及適切嘅分析,我亦要記低一啲重要嘅點,以便日後參照,所以我決定寫番blog。而呢個blog好多嘢亦會陸續改革,例如大家見到新Facebook plugin正係D100一位年青義工Kelvin Yu俾嘅好建議。

依家肯定係天下大亂將臨嘅格局,特別喺美國退市之後更甚,一方便西方無源源不絕嘅熱錢湧入中國填補黑洞,另一方面,有可能中國印出嚟嘅黑錢會趕住去美國,令中國的財政崩潰提早發生。依家人民幣表面好高,日後可能全部都係廢紙嚟,反而有十足美金保證嘅港紙會奇貨可居。所以,香港人喺經濟上應該有所準備。而呢方面我會稍後仔細分析。

而無論中共定港共,依家已經係離心離德,暴走搶錢搶權,呢個形勢下發生佔中運動,就特別容易擦槍走火。呢個亦係我不得不每日寫番blog提醒大家嘅原因,一個真正心懷本土嘅人,會作出基於事實嘅理性分析,唔係好似有啲有國民黨背景嘅扮本土人士,不斷喺度嘩眾取寵,全無建設性。

重新寫blog,就送上以下黃貫中嘅歌,Can’t bring me down,共勉。

3 thoughts on “天下大亂之前

  1. 作為長久以來嘅讀者,當然十分支持世澤兄!希望唔好好似之前個「聲音版」咁,連續咗無幾日就無哂消息。

  2. 我一向都係你忠實嘅讀者,希望你維持落去。

    我想你能提供多維的方向去分析香港嘅方向,令大家有所準備。大陸呢次爆鑊係會災難性,歷史上從來無咁多人對政府咁不滿,香港如是,大陸更甚。個人悲觀地預見大陸泡沫出年爆破,資金外逃,人民幣陰屍紙化,貪官趕住走佬,大家等做鐵達尼號嘅來客。香港要點過呢次難闗呢?

發表迴響

你的電子郵件位址並不會被公開。 必要欄位標記為 *