追緝胡亂抹黑林老師的黑手

好多人之前都唔明,點解黃世澤用一個極強硬嘅態度對付五毛黨。林慧思老師被老屈事件,大概話俾大家聽原因係乜。

放片人Kelvin Chu嘅youtube profile照片
放片人Kelvin Chu嘅youtube profile照片

放片人Kelvin Chu嘅Google Plus帳戶

中共係老屈專家

點解南洋變成一個律師信滿天飛嘅世界,動輒朝野政客都出律師信告人誹謗,因為當年毛澤東遙控嘅馬共,喺南洋亂咁屈對手,完全無底線可言,李光耀等英國教育嘅政客忍無可忍,要出動律師信嚟對付人。

小弟喺浸大開放電視牌照嘅論壇強硬對付愛港之聲班茂利,都有人老屈(參考如何點一條土共亂放片仆街嘅相),更何況林慧思係林森成嘅女兒。中共係唔信禍不及妻兒呢樣嘢,中共最鍾意就係玩連坐,全家批鬥。所以我對五毛黨係一件都唔放過,我個人贊成report晒愛港力或五毛嘅facebook page及戶口,因為呢班友就係唔同你講道理。

所以呢次我幫手林慧思老師嘅方法,除咗我會去信她任教嘅學校外,我將Kelvin Chu有嘅資料揪出嚟,由於Kelvin Chu經常share人網嘅嘢,所以我呼籲人網嘅網友查出Kelvin Chu係乜水,隨時有無間道喺度玩嘢。

呢件事只係中共牛刀小試,我覺得除咗要將有關警員告上監警會,搞花佢地file外,點樣阻止香港親共傳媒濫用公器亦好重要,我個人期望香港記者協會應該做嘢。香港記者協會成日追剿壹傳媒狗仔隊,咁親共媒體老作唔駛處理架,我覺得第一步係拒批任何國際記者證俾《文匯報》、《大公報》呢啲違反專業操守嘅報紙,呢啲報紙根本就唔係傳媒嚟,你仲當佢記者做乜?

5 thoughts on “追緝胡亂抹黑林老師的黑手

  1. 件事是顯示香港人已經忍無可忍,她哪一句”中共邪毒到不得了!”,代表所有香港人心聲! 可能對決會很快發生!

發表迴響

你的電子郵件位址並不會被公開。 必要欄位標記為 *