韓亞航空空難看中國人安全觀

韓亞航空一架波音777客機喺三藩市國際機場降落果陣失事,但都只係導致兩死,某程度上反映咗過去咁多飛機製造商為咗提高空難生存率而作出嘅努力,如果過往747、757年代,呢宗空難嘅死傷數字一定不止此數。

但係呢宗空難,同時睇到中國人嘅安全觀幾咁不敢恭維。

韓亞航空失事飛機內部狀況
韓亞航空失事飛機內部狀況

有扣安全帶無理由拋出機外

由呢張美國報章嘅圖片嚟睇,可以睇到當時飛機座位係合符安全要求,承受到撞擊力,東歪西倒唔駛講,但至少無拋出機外。咁點解有兩位中國籍乘客居然會拋出機外,答案顯而易見,就係有人唔聽航機上安全指示扣上安全帶。

小弟坐飛機公幹經驗所得,香港籍乘客喺飛機無著安全帶燈號果陣未必扣安全帶,但起飛降落多數聽話扣上,只有啲老人家同師奶唔多通氣。但中國籍乘客,經常唔聽空姐指示,包括唔扣安全帶,甚至降落果陣仲用iPhone一類電子設備,呢班友安全意識好差。某程度上,呢次意外係對中國籍乘客嘅明確警告,唔聽安全指示係會性命不保。

但有一位中國籍乘客,逃生期間嘅不安全行為,不單要遣責,我建議香港作基地嘅國泰航空同港龍航空,以後唔俾呢條友上機。呢條友係淘寶網高層徐達,呢條友走難仲要攞行李,犯咗三大錯誤:

1. 佢呢個行為有可能觸犯客機所屬國家(大韓民國)嘅航空法律,應該捉佢去審。
2. 行李可能阻礙乘客逃離機艙嘅通道,客機失事走人嘅速度係以秒計,所以一般起飛前嘅安全說明都講明,一旦出事,咪帶行李,呢種人係危害客機其他人安全。
3. 佢帶行李有可能篤穿逃生滑梯,累及他人。除咗行李,女士們嘅高踭鞋都係唔准上滑梯,就係呢個原因。

同呢啲人同一架機,真係極度牙煙。如果中國人死性不改,日後中國人坐飛機應該特別處理,因為呢啲人實在不知何謂安全。

參考
聯合航空波音777客機嘅安全卡,請見第2頁

3 thoughts on “韓亞航空空難看中國人安全觀

  1. 當日事發聽媒體講有人頭撞天花,就知道肯定沒系安全帶。後來媒體報道被拋離飛機的兩位死亡者中有一位女生很可能也是沒系安全帶。不過我更傾向認為是系了安全帶,但可能飛機一著陸,她們自己就解開了安全帶(這的確是和沒系一樣)。

    坐飛機時時常發現有人(可惜的是,大多是內地人)飛機一著陸,就開始急著解安全帶。這次事件裏,學校帶隊的老師也沒有盡到安全責任。

    另一個(內地人的?)常見行為——飛機還沒有停穩前就開始拿行李的確也需要改改。

    看到新浪微博上一人的回憶:因為飛機中間受影響較輕(更因為飛機竟然出現順利降落的指示),當飛機降落後開始時秩序還不亂,坐在中間的人以為可以正常排隊下飛機。這就是為什麼有人開始拿行李。

    應該說基本同意你的觀點,但不同意你這裏的行文態度。 死者為大,這個原則除非是罪大惡極外都應該適用。

    另外說一句。不止一次看到本港人士在降落果陣仲用iPhone一類電子設備。

  2. 有可能係冇扣安全帶,亦有可能係有扣安全帶,但冇扣緊,求其扣咗就算。條帶鬆,就有扣等於冇扣。

發表迴響

你的電子郵件位址並不會被公開。 必要欄位標記為 *