商界反BSD、反限奶令飲鳩止渴

今天香港有反BSD(Buyer Stamp Duty)嘅遊行,前幾日有班藥房佬支持撤銷限奶令,結果被我親自出嚟《蘋果日報》丙爆呢班人渣。

BSD
7月7日反辣招遊行(包括反BSD),圖:獅子山學會

商界反BSD飲鳩止渴傾向明顯

呢啲行動都反映一樣嘢,商界有一大班無能之人,慣咗中國畸形經濟所得嘅利益,猶如毒癮,不思長進,一旦中國經濟玩完,香港經濟靠呢班友真係死硬。

好似BSD咁,其實呢種稅都好唔理想,但唔理想並非喺所謂「扭曲市場」。香港只要政府掌握大部分土地,房地產市場就從來講唔上自由。而係呢種稅某程度喺法律上認可咗中國嘅洗黑錢行為,大家都知中國嚟香港買房地產嘅錢,有幾多係真係乾淨。幾時香港淪落到要鼓勵洗黑錢行為食飯?咁不如變澳門算喇,至少賭呢家嘢真係擺到明唔乾淨。

最大鑊係呢種洗黑錢行為其實挖空成個國家,今日中國已經好唔穩定,一年期SHIBOR長期企硬四厘幾,其實反映中國唔只熱錢走得七七八八,國家都挖得七七八八,等天下大亂。中國亂會搞出局勢十分唔穩定,呢班友又知唔知?

反限奶令出賣香港

至於班藥房佬,我簡直想用賣港賊嚟形容呢班友,佢地無理由唔知世界各國可以產出幾多嬰兒奶粉,而中國嘅無限需求亦無法正常滿足嘅事實。呢班友又唔喺推廣母乳方面做嘢,要牟暴利乜嘢仁義道德都唔駛理,不如去賣白粉算。

香港商界呢班友不思進取,如果崇尚自由經濟,佢地應該諗點生存,唔係求政府繼續俾佢地吸毒。

3 thoughts on “商界反BSD、反限奶令飲鳩止渴

  1. Minor errata(?): 鴆(音針)/鳩(音溝)
    當然也有黃兄“玩膠”而特意寫成此…我指了出來就不好笑了。
    全球新一代想買樓都比上一兩代困難﹐雖然與嬰兒潮一代老化有關﹐但更近來的記憶中﹐就只有美國兩房爆破和強國炒樓客了。

  2. 香港一日有呢d只睇眼前小利益ge人仍然存在,香港獨立之後前景都唔係好.

    如果中共影響力唔係香港獨立前消失,中共隨時買通香港國會d議員,到時有可能係香港國會會通過乜野Treaty,將香港同中國合併.

  3. 「限奶令」意義不單單在保障奶粉供應,更重要係匡正香港經濟,唔好淪落到一街水貨私幫蝗蟲,還沾沾自喜以為得米。

    至於印花稅,嘈得最緊要不過係地產經紀同炒家,呢兩種人隨時死左炒左一大半,社會都唔會有乜事。

    不過始終有樣野懷疑,狼震英真係有能耐扮護港鬥士?定係呃得一時得一時

發表迴響

你的電子郵件位址並不會被公開。 必要欄位標記為 *