戴卓爾夫人離世

對於我呢個同時擁有英國公民身份,甚至有保守黨聯繫嘅香港人嚟講,戴卓爾夫人離世係百感交集。

作為一個為香港負責嘅人,我唔會原諒戴卓爾夫人定British Nationality Act 1981,剝奪香港CUKC(根本就係BC)應有英國公民權。戴卓爾夫人或者喺美國壓力下守唔住香港,但要絕對封死香港人逃離中共暴政呢道門嗎?甚至好多香港情侶、家人,係因為要移民被拆散,呢筆債我係無辦法原諒。要引進BDTC身份,可以係1983年後出生香港人唔可以憑香港關係享有British Citizenship,我覺得合理,但原有CUKC監粗屈係BNO,呢條氣點都唔順。

以英國人嚟講,戴卓爾夫人嘅自由化、私有化政策本嚟唔喺罪過,因為當時英國真係過度依賴福利,國家真係被玩謝。但戴卓爾夫人喺蘇格蘭嘅所為,為依家蘇格蘭獨立運動埋下伏線,對聯合王國嚟講,當年戴卓爾夫人嘅做法搞到國家解體,咁做好唔好,係有待商榷。

但誠如工黨黨魁Ed Miliband咁講,But we can disagree and also greatly respect her political achievements and her personal strength.。至少戴卓爾夫人唔會好似某啲投機政客咁,明明係國民黨嘅,都可以忽然本土。


14 thoughts on “戴卓爾夫人離世

  1. 四月九日:我覺得戴卓爾死了,看的不只是她的過去,她在某時某地做了些好事我們受不到,沒有留下福蔭也就算了,最氣的係她死了,但活著的人(尤其是香港人)還繼續活受她的過失過錯。林忌把她和史太林馬克斯比較,係!戴卓爾係無佢地咁仆街,但佢「始終都係仆街」囉。

    最簡單,香港人會為戴卓爾簽下中英聯合聲明而高興嗎?

  2. It is no use crying over spilt milk. 港人連基本法所應有都不能堅持,當年若想繼續英治其中一個環節就是港人公投,但那一方面否決公投及不淮港人有份參與談判?即使有公投當時港人的政治意識未成熟兼大中華思想結果難料,年前五區公投的良機都錯失就是好証明,怎能怪人。港人想改變就是靠自己,但很多人但求三餐,不介意放棄基本法的承諾。

  3. 當年冇internet, 傳媒話語權被大中華佔據,就算有本土意識都成唔到主流民意, 加埋中共威嚇, 英國可以點做?, 要清算就要早到七一年中共入聯合國取消香港係殖民地依個身份, 當年香港人有冇出聲反對, 如果冇, 點解八二年又出聲要”民主回歸”?

  4. “甚至好多香港情侶、家人,係因為要移民被拆散,呢筆債我係無辦法原諒。”

    “過渡期” 下的 “移民潮”, 有幾多人受盡分離嘅痛苦
    經歷過嘅, 敢回想嗎….
    未經歷過嘅, 可知當中嘅感受嗎? 要知道當年沒有 FACEBOOK、SKYPE、MSN、ICQ。IDD 一分鐘$6.70
    根本無可能唔 “散” 囉

  5. VV:
    從歷史角度, 三十多年來普羅港人對政治嘅心態其實無點變過, 都係政治人物話乜就乜, 隨波逐流。咁亦解釋到點解 “民主回歸論” 成為當年嘅輿論調 –> 就係因為 “主流” 政治人物話呢個先 “正統”, 又抨擊 “公投” “主權換治權” 係戀殖走狗, 於是小市民咪跟囉

  6. 英國都要跟民意做, 如果當年民意係”回歸”, 咁英國點企硬都無用, 唔驚有內奸咩?
    所以根本好難打, 除非當年有五十萬人上街反對”回歸”(六四時其實有機會), 至於出賣香港?解決左班”回歸”派先成立,
    係依個政治環境, 下面d人話要走, 唔通唔畀咩?, 至於居英權, 當年又係班主流民意唔要(想要就唔會”回歸”啦, 唔通又要威又要戴頭盔咩), 最多可以話佢無做到道義上嘅野, 不過如果要清算, 梗係清算班”回歸”派先啦
    都係一句……………..唉

  7. VV: 當年民意是回歸???
    1. 香港人三十多年來對政治嘅心態其實無點變過, 都係政治人物話乜就乜、隨波逐流。
    2. 英國並沒有在香港確立身份認同係事實, 但過去嘅中學中史科內容, 甚至「中國語文」科, 充斥住「大一統」的思維。有說法呢啲係在港的國民黨餘部為求以香港作「反攻大陸據點」搞出嚟嘅硬膠教學手段, 將「中國人」身份植入港人心中
    3. 民主回歸派就食住2. 而有嘅意識形態條水, THEN 就因為1. 成為所謂嘅 “民意”

    如果當年係全民公開討論, 甚至好似1962年9月1日,新加坡主權公投的話, 你估香港人會表現出乜嘢取態出嚟?

    借位賣廣告:http://jackyhtlim.blogspot.hk/2013/04/billingtodemocraticreturn.html
    一套鬆散立論!

  8. Jacky Lim:
    可以話當年無公投係好彩, 唔係依家連少少本土都會被人ko 埋, 中共只要一句當年香港人讚成回歸, 根本已經冇人可以反擊, 依家要救, 梗係先解決中文, 中史科d遺毒…………唉
    講真香港就係被五, 六十後民主回歸派攪死

  9. 香港是送給中共的反蘇禮物,同時也是西方放在中共的計時炸彈! 逃不去的港人愈來愈忍受不了中共,遲早跟中共硬碰。

  10. 在網上有人說她已經為香港盡最大努力,唔可能給幾百萬香港人到英國! 其實在八十年代,全世界已經見識過東方共產黨面目,中共有文化大革命,更出色的柬埔寨红色高棉, 真係唔可以用人類來形容它們。把香港給中共,結果可能會有大屠殺,這個絕對有機會出現! 就是英國人不給香港人到英國,也要找一個地方建立新香港,給香港人選擇要不要重新建立新家園。

  11. 就是英國人不給香港人到英國,也要找一個地方建立新香港,給香港人選擇要不要重新建立新家園。

    去冰島吧

發表迴響

你的電子郵件位址並不會被公開。 必要欄位標記為 *