葉劉小器無得救

葉劉淑儀抄咗《儲備商品條例》條橋,一個credit都無俾,結果被同我一齊提出《儲備商品條例》條橋嘅林鴻達追數追到上《城市論壇》,都仲死口唔認,證明依家果個葉劉淑儀,仲係2003年果個葉劉淑儀,並無因受過直選洗禮而改變。

作為平民,小弟提案成為法律唔係第一次,依家《汽車引擎空轉(定額罰款)條例》酷熱天氣警告豁免,正係小弟手筆。

2009年小弟喺立法會Panel發言紀錄
小弟2009年1月呈交立法會建議書

小弟呢個建議,何秀蘭之後一路跟進到小巴司機熱死人事件為止,而何秀蘭不止一次Credit番小弟,講真,呢樣嘢何秀蘭贏葉劉淑儀幾個馬位。

相信喺呢個博客,小弟修理當時嘅環保局局長邱騰華都頗為重手,但喺酷熱天氣警告修訂納入法律後,小弟反而曾經同邱騰華食過飯,仲有講有笑。

由葉劉淑儀對林鴻達追佢九條街標語牌嘅態度,可以睇到呢條友極度傲慢,亦唔知乜叫民主政治下基本遊戲規則。梁振英偏偏身邊啲友都係呢挺性格嘅人,呢個政府真係依家未搞出暴亂,已經算大家好彩。


3 thoughts on “葉劉小器無得救

  1. Martin :

    有無研究過那類法例, 直接上立法會 Panel 發言要求修訂比較有效, 或過去還有甚麼法例, 因大眾和不同團體上立法會 Panel 發言後獲大幅修訂, 甚至給撤回?

發表迴響

你的電子郵件位址並不會被公開。 必要欄位標記為 *