立憲派已經被趕入革命黨去

呢個博客講過,當香港重演大清帝國滅亡前夕立憲派被趕到革命黨嘅時刻果陣,香港就隨時重演辛亥革命嘅一幕,至少四川保路風潮都出得嚟,立憲派激過革命黨。

呢篇文,同梁振英嘅廢柴派膠報告(Plastic Address),代表咗香港已經進入革命倒數時刻。

唐英年被拉倒事件,其實同四川等鄉紳被大清帝國出賣事件一樣嘅翻版,令鄉紳無法再支持大清帝國落去。跟住普選,中國根本無意思找條J數,當清帝國搞皇族內閣係一樣。而立憲派同革命黨唔同之處係,立憲派有社會精英、有錢、有人脈、仲有理論,因此佢地一出嚟做反就肯定天下大亂之始。班社運人士搞咗社運咁耐,你有幾何見過佢地清晰梳理一個搞革命嘅戰術出嚟。

戴耀廷寫文號召佔領中環,代表住社會上層甚至精英階層有班友已經打算玩啲更激嘅嘢,戴耀廷已經係比公民黨或者四十五條關注組溫和,依家都搞到佢出嚟教大家公民抗命,大家諗吓仲有其他未出現嘅地下革命黨喺香港?


3 thoughts on “立憲派已經被趕入革命黨去

  1. 佔領中環應該要開始準備定, 最起碼要同身邊朋友宣傳下,,因為中共一定唔會俾香港人有真普選, 另一方面要俾香港人預先適應下呢類大型運動.

  2. 我記得呢, 曾幾何時, 偉大領導人曾信誓旦旦話: 你們香港人不用怕, 給你多一個五十年, 兩個五十年(不变)都無問題, 語境即是講, 我們會守諾(兩制不变)……….因此五十年是一種要求隨時兌現的條件而絕不是期限, 大陸佬最擅長側側膊唔多覺, 講假話當食生菜, 因此有基本法第22條的銳利條文

發表迴響

你的電子郵件位址並不會被公開。 必要欄位標記為 *