問題並唔係有無諮詢,而係應唔應該做

財 經 事 務 及 庫 務 局 表 示 , 新 《 公 司 條 例 》 限 制 公 眾 取 閱 公 司 登 記 冊 上 董 事 住 址 和 完 整 身 份 識 別 號 碼 , 已 平 衡 公 眾 取 得 資 料 的 需 要 及 保 障 私 隱 。 相 關 建 議 曾 諮 詢 公 眾 及 經 立 法 會 審 議 , 去 年 通 過 成 為 法 例 , 個 人 資 料 私 隱 專 員 公 署 對 建 議 亦 表 示 歡 迎 。
財 庫 局 認 為 , 新 條 例 下 公 眾 及 傳 媒 可 繼 續 取 得 董 事 姓 名 、 通 訊 地 址 及 身 份 證 明 文 件 部 份 號 碼 , 應 已 足 夠 讓 公 眾 及 傳 媒 辨 認 有 關 人 士 。

呢個政府嘅無恥,已經去到令人火滾嘅地步。

依家問題唔係有無諮詢過,正如我做大學學生會果陣,成日被人質嘅經典問題,你喺廁所發表過諮詢文件叫唔叫做諮詢?依家政府更加唔可以饒恕嘅問題,係隱住一個database嘅關鍵部分,隱晒啲ID Number之類,點知道同一條友擁有或曾經擁有過幾多公司,咁佢玩晒喇。

點解BVI公司喺好多國家做生意都係好麻煩,因為BVI公司透明度低,

聯合財富情報組嘅Powerpoint

第20頁寫明,BVI根本係洗黑錢工具,因為未經英屬處女島政府批准,係絕對起唔底。近年當地政府要加強審核公司股東資料,希望挽回聲譽。乜香港好想變成呢啲洗黑錢洗到出晒名,成街都唔乾淨錢嘅「金融中心」, 定「黑金中心」。

唔該財經事務及庫務局班友答吓我。


5 thoughts on “問題並唔係有無諮詢,而係應唔應該做

  1. 判斷社會以至國家係專制抑或開明,關乎公眾利益的資訊 (特別係權貴九官的所謂「私隱」是否充分公開自由流通,係神係鬼,一清二楚。

    莫講話商業財務資料,就算高官健康病況,都唔應該任意用「私隱」做擋箭牌,當年踢爆梁愛詩在任隱瞞重病的那位公務員,到而家都認為佢係英雄。

  2. 明報報導過,政府話係參考英國wor,
    其實英國修例既理據又係乜呢?

    而ID頭三個數字一樣又同名同性既又有幾多呢?

  3. 跟本係身份證號碼大量咁比私人公司用來確認身份,然比人用籍口來話呢D係私隱資料。其實係唔應該的,公司應該自行發展一套認證機制,例如通關密語來做電話證證。

發表迴響

你的電子郵件位址並不會被公開。 必要欄位標記為 *