反攻吉隆坡

蘋果日報:北京來港收風 恐鬧反國教翻版

香港人挺《南方周末》行動不斷升級,繼學者聯署、政黨遊行抗議後,香港六間大專傳播系會、大專新聞教育工作者聯席均發表聲明,聲援《南周》及譴責官方打壓新聞自由。據悉,北京見越來越多港人投入撐《南周》,近日派人來港收風,擔心中、港民間力量結合,成為香港反國教群眾運動的翻版。

我諗唔少自治派或者獨派,都唔明小弟點解,對楊匡保釣、反國教,甚至最近香港人聲援《南方周末》唔反對,甚至我本人都有聲援中國《南方周末》。如果純粹用台灣式獨派戰略,當然會覺得唔妥。

但我始終係南洋人,新加坡獨立嘅經驗對我影響好深,而呢段《蘋果日報》嘅報導屬實嘅話,香港已經肯定走緊上1965年8月9日呢條路。

星洲日報:新加坡‧李光耀撰文述當年‧“東姑先提出馬新分家”

他在最新一期的行動黨黨報《行動報》(Petir)撰文說,當時人民行動黨倡議建立一個馬來西亞人的馬來西亞,這項號召獲得馬來亞半島的非馬來人、新加坡、砂拉越及沙巴的人民的廣泛支持,於是東姑決定把新加坡趕出去。

當年李光耀以Malaysian Malaysia論述反攻吉隆坡,全大馬非馬來人紛紛響應,由於李光耀馬來文係好好,佢再玩落去隨時馬來人都拉攏埋,屆時巫統就玩完。但由於李光耀係英國人精心挑選嘅,所以大馬政府鎮壓李光耀亦係mission impossible,所以馬來西亞只能驅逐新加坡。

依家香港有三百幾萬英國籍,仲有幾十萬乜籍都有嘅人,鎮壓香港極難,等同向全世界宣戰,但學民思潮式反攻隨時中共玩完都似,特別劉雲山呢條友嘅膠力早有所聞,呢條友係中共亡黨亡國功臣候選人嚟。對中共嚟講,如果要保住政權,驅逐香港,係可以考慮嘅方案。

所以我講中港分家,但有人要北伐我亦隨便,中共應該知乜嘢係正確嘅戰略選擇。呢方面,東姑拉曼比較聰明,如果無東姑拉曼當年嘅決定,我諗依家大馬一早係行動黨天下,唔係今年至叫糊要變天。


4 thoughts on “反攻吉隆坡

  1. 誠如《展拓香港界址專條》所言:「溯查多年來,素悉香港一處非展拓界址不足以資保衛」。自97以來,好多人睡大覺,天真地相信「一國兩制」河水不犯井水。結果我不犯人,人卻來犯我。因此不進行「北伐」,則斷斷無法保衛香港。

  2. 中國幾千年來大一統主義積毒難除
    中共近年也以民族主義作為統戰手段

    驅逐香港反而會危害中共政權的合法性
    更難保住政權,香港人或領袖實力亦遠不及李光耀
    在這種情况,中共鋌而走險鎮壓的機會比驅逐香港還要大

發表迴響

你的電子郵件位址並不會被公開。 必要欄位標記為 *