中國水貨客有乜問題

作為一個平行進口商人,大家可能唔明,點解上水果啲水貨佬,或中國四圍搜購奶粉嘅友咁乞人憎,但香港759,或者正規入口水貨日本、美國奶粉嘅公司,好似小弟咁又無問題。

平行進口本身係正常商業行為, 但正常商業行為係有底線,就係唔可以擾民。

好似759阿信屋,或者小弟呢挺,對住大批量嘅貨,係唔會喺零售市場掃入嚟,因為零售市場貴,而郵寄或人肉寄運嘅成本仲貴,所以759阿信屋又好,小弟呢挺人又好,一般已經係透過互聯網向生產商落單,然後批發價掃發,再用大批量入口嘅優勢減運費成本,咁樣至賺到錢兼價錢合理。喺批發市場入貨,當然唔會擾民,相反,仲可以促進當地出口。更何況平行進口商其實唔係太想做奶粉,因為奶粉嘅運費同倉儲成本係貴,同一個櫃貨櫃,你寧願運零食都好過運奶粉,利潤唔成正比。

但依家之所以有中國水貨客,因為中國當局依家貪污,中國嘅奶粉三聚氰胺問題不止,呢班仆街又要閘住海外奶粉大手入口嚟搵銀,結果一堆「有關係」人士四出喺零售市場入貨。而由於市場被人為嚴重扭曲,中國嘅「水貨」零售價係香港零售價成倍,當中利潤俾乜人賺咗大家亦心知肚明。而零售市場本來無預你班友咁狂買法,結果市場大亂,亦擾亂民生。

所以上水果啲水貨客,一定要郁,因為佢地係擾亂民生。而水貨客可以咁猖狂,因為中國公安、海關包庇,甚至有份從中取利。所以唯一辦法,係香港收番簽證自主權,禁止呢啲瘟神入境。但如果香港唔獨立,睇怕都無乜可能。


3 thoughts on “中國水貨客有乜問題

  1. 咁我地要點做才可以不再被呢班仆街擾亂民生。而且蝗蟲已擴散至全世界!!

  2. There are baby formulas that are reexported directly by retailers. They don’t even get on shelves in HK. The retailers hire people to help smuggle the baby formulas across the border to their godowns/storerooms in China.

  3. 有人講過,九七前一樣有香港水貨運入共產大陸,無論係正路或偏門,都從來唔會蝗蟲滿街,神憎鬼厭。

    事實道理好簡單,又係英國人做得到的法治秩序,出入境合理監控,党蝗国氓永遠做不到。

發表迴響

你的電子郵件位址並不會被公開。 必要欄位標記為 *