屋宇署未解釋點解當年赤柱僭建竟然放水。

屋宇署新聞公報

根據2000年12月及2001年1月多次視察所得,發現上址樓宇及其後面的人造斜坡之間,在該屋苑的批准建築圖則上顯示為原有的空間內有僭建物,包括一些樑、柱、牆、樓梯及樓板。由於本署在首次視察該空間時,有關僭建物的清拆工程已在業主委任的認可人士的監督下展開,所以本署並不知悉有關僭建物的用途及面積。有關僭建物的清拆及修復工程其後於2001年1月下旬完成。

屋宇署發呢份新聞公報,好明顯知道包括小弟在內嘅人,已經篤中梁振英二千呎僭建實質所在,而如果屋宇署有人被廉署檢控係以權謀私,份長俸凍過水,所以急急忙忙篤爆梁振英嘅僭建,並唔係花園嘅僭建咁簡單,有得樑、柱、樓梯等等,你認為幾百呎僭建要咁大陣仗乎?

屋宇署話雖想甩身,但當年有人公職人員以權謀私呢個問題,其實更嚴重。除咗屋宇署披露得唔清唔楚,有三個疑點大家亦要注意:

1. 點解2001年嘅新聞公報,並無公報呢啲樑柱。
2. 屋宇署查僭建,一定有影相同有報告,當年邊位老哥負責查、幾時查,查到乜,用乜嚟查,有無一個交代。
3. 請再睇下圖:

梁振英點會咁醒,2000年底就已經急急做嘢遮住個僭建,而2001年1月政府又確認條友搞掂晒。如果有樑、有樓梯,有柱,而個僭建興建期間要灌漿,咁要解決個僭建都唔會幾日搞得掂嘅事。大家睇番1999年入嘅渠務工程圖則:

係咪有人喺1999年6月,向屋宇署入咗張圖則,跟住有屋宇署人員查果陣發現咗有僭建,然後屋宇署內部有官員向梁振英通水,至令梁生成功甩身?似乎呢單醜惡到爆嘅醜聞,唔單只反映梁振英講大話唔貶眼,而且仲涉及好嚴重刑事罪行。

大家要留意,2002年渠務工程嘅圖則,1999年6月至2002年之間,個2nd BD Submission係不知所蹤,究竟發生乜事?X檔案?

依家,如果屋宇署唔帶傳媒,以及獨立嘅測量界人士帶齊設備進入赤柱大宅調查,搵老廉,可能係唯一方法。


2 thoughts on “屋宇署未解釋點解當年赤柱僭建竟然放水。

發表迴響

你的電子郵件位址並不會被公開。 必要欄位標記為 *