梁振英係唔係僭建咗成兩千幾尺出嚟?

梁振英赤柱大屋剖面圖

喺梁振英大宅僭建資料圖則陸續攞齊後,未來幾日呢度同輔仁媒體,都會陸續分析同披露梁振英嘅僭建材料。

小弟首先繼續討論一下赤柱,係唔係僭建成二千幾呎咁多。

如果睇圖則唔睇比例尺,只會知道梁振英有個可疑僭建空間,但呢個空間可以僭幾大,大家係無概念。

而昨天嘅圖則,再加呢度用比例尺一度,喺一樓梁振英嘅僭建空間,就證明梁振英唔單只佢唔係第一次搞僭建,而且佢係悉心挑選僭建潛力最大嘅單位嚟僭,完全無視Block A居民嘅安全。

將上圖嘅計法,用Google Maps嘅Distance Measurement Tool推算,約85呎長,闊約30呎嘅話

85 x 30 = 2550

由上圖圖則嘅潛在僭建空間推算,再加上有線影到可疑到爆嘅氣窗痕跡等等,成二千幾呎僭建出現兼危害樓上Block A安全你唔查?

小弟引用一位梁粉郭文緯,佢條友仲喺老廉做副處長果陣,佢對一條罪叫公職人員行為不當嘅睇法

郭文緯網頁:以權謀私-新紀元的老問題

總結數目有限的案例,這項罪名似乎涵蓋了公職人員故意疏忽職守的情況。但要構成罪行,該項疏忽必須在沒有合理辯解或理由的情況下出現,而有關的不當行為又必須被視為足以損害公眾利益,因而有需要作出譴責及懲罰

依家出現嘅情況有:

1. 屋宇署人員可能故意疏忽職守。
2. 由赤柱大宅睇,呢項疏忽喺無合理辯解或理由出現。
3. 呢項不當行為,影響公帑收入,以及樓上住客安全,損害公眾利益。

如果梁振英有份串謀,固然梁振英要洗定八月十五,就算無,屋宇署班大帝hea查梁案,都可以送晒去老廉治罪,尤其係當時屋宇署長梁展文。而山頂大宅,都有屋宇署人員足以送去告老廉嘅問題,明天再講。


One thought on “梁振英係唔係僭建咗成兩千幾尺出嚟?

發表迴響

你的電子郵件位址並不會被公開。 必要欄位標記為 *