赤柱僭建固然係問題,但故意隱暪僭建更係問題。

梁振英赤柱大宅1979年原裝平面圖則

梁振英赤柱大宅1979年向屋宇署提交平面圖

梁振英赤柱大宅2001年渠務工程圖則

梁振英赤柱大宅2001年渠務工程圖則,左上角的Part Plan顯示為梁振英單位部分。

小弟已經將梁振英赤柱大宅圖則攞到手,並且自費交俾晒圖公司做數碼掃描,各位有測量知識嘅可以研究呢兩張圖。

其實由有線電視影到嘅畫面,梁振英嘅僭建嫌疑本來好大,

只不過,單係僭建都唔係最大罪名,更大罪名係涉嫌行使假文件。

請留意2001年渠務工程嘅submission,雖然2002年9月11日屋宇署批准,但批准果個已經係第3個submission,第一個submission喺99年6月已經交俾屋宇署(見圖右邊嘅表),而根據政府新聞公報(2001年嘅新聞公報

更過癮係,如果梁振英赤柱大宅嘅僭建空間仍然存在,即係2002年9月嘅屋宇署apporved plan都係同事實不符,咁小弟想問:

1. 點解屋宇署可以批份同事實不符嘅plan?唔通屋宇署無人查?
2. 照理嚟講,呢座大宅三個業主,梁振英應該最有人手同經驗去搞BD Submission,但呢次全座大廈渠務工程,唔係梁振英搞submission,由其他公司入。
3. 根據文件表,呢個係唯一入過屋宇署東頭灣道39號嘅修改submission涉及梁宅,再無其他。

依家屋宇署唔只要抽石屎樣本,或採用超聲波設備,甚至攞搜查令入屋嚟查赤柱嘅僭建,呢單嘢,越嚟越似一單處心積慮隱暪嘅僭建事件,僭到佢啲上下鄰居入咗張可能同事實不符嘅圖則都唔知。而1999年屋宇署一定去過梁宅至批呢張圖紙,如果咁都唔發現僭建,係咪屋宇署集體包庇梁振英,上去申訴專員投訴呢班大帝。

而大家有乜進一步發現,歡迎大家喺comment欄查出。由於梁宅僭建涉及頗多結構改動,小弟會做進一步調查,調查梁振英同上下兩戶嘅關係。


發表迴響

你的電子郵件位址並不會被公開。 必要欄位標記為 *