依家有足夠證據彈劾梁振英

之前長毛提出要彈劾梁振英,有啲霍克派政黨唔理三七廿一,對彈劾有少少猶疑都扣上投共帽子,但呢班友完全無睇《基本法》對彈劾議案要求。

《基本法》第73條(9)款係咁寫

“如立法會全體議員的四分之一聯合動議,指控行政長官有嚴重違法或瀆職行為而不辭職,經立法會通過進行調查,立法會可委托終審法院首席法官負責組成獨立的調查委員會,並擔任主席。調查委員會負責進行調查,並向立法會提出報告。如該調查委員會認為有足夠證據構成上述指控,立法會以全體議員三分之二多數通過,可提出彈劾案,報請中央人 民政府決定。”

唔單只要有十八位議員聯署,仲要有嚴重違法或瀆職行為呢個元素,加上立法會委托終審法院首席法官組成委員會調查,至夠料報請北京彈劾。喺梁振英答問大會之前,爭係嚴重違法或瀆職行為。因為僭建係喺梁振英上任前做,如果梁振英干犯行使虛假文書等罪名,咁直頭用《基本法》第79條關於刑事判罪嘅條文KO梁振英可能仲簡單,大家集體報警就做到。

但今日答問大會,梁振英夠膽喺立法會話佢從來無同人講佢無僭建之後,依家夠料砌梁振英。

一早有記者講,梁振英向記者講佢無僭建,依家梁振英咁向立法會講大話都得呀。根據《立法會(權力及特權)條例第18條。

(1) 任何人在訊問過程中,對立法會或任何委員會向其提出在研訊主題上具關鍵性的問題,蓄意給予虛假的回答,即屬犯罪,可處罰款$50000及監禁2年。

依家梁振英公然向立法會,喺具關鍵性問題蓄意給予虛假回答,洗定八月十五都得,仲唔係嚴重違法或瀆職行為,彈劾梁振英夠晒料。梁振英自已送上門,立法會議員依家係零理由放過佢。


5 thoughts on “依家有足夠證據彈劾梁振英

  1. 唔擔心唔夠18票提出彈劾, 係驚班民主老人大中華膠, 會盤算咁做即係粉碎佢哋發咗三十年嘅夢, 甚至係一啲同中共嘅關係嘅考慮、更甚至係交易, 然後响表決時縮咋!!!

  2. 班民主老人大中華膠向來都係攪亂檔, 今次再唔做返d正經野, 下次選舉隨時連少少位都冇埋

發表迴響

你的電子郵件位址並不會被公開。 必要欄位標記為 *