郎咸平教授如是作出警告

好多人奇怪,點解蘋果聲言會將生產線搬到美國,喺日本,越嚟越多手提電腦標榜日本製造,甚至東京製造,連聯想都會喺日本製造(中國牌子、日本製造,你話係咪奇)。

甚至更奇現象,早出現喺超級市場,上海梅林牌午餐肉有捷克製造版本,究竟發生乜事。以上由中大財務學系講座教授郎咸平喺微博嘅解釋,好清楚。

人工平唔係大晒,郎咸平用財務學嘅觀點,講咗做一單生意,仲有融資成本、政府亂嚟嘅成本、燃料成本等等,呢啲中國一啲優勢都無,喺呢個時候,各廠商,包括中國聯想紛紛著草走人正常不過。簡單嚟講,中國已經崩潰緊,至少經濟已經崩潰,除非上帝有乜嘢神奇庇佑,否則香港捲入大崩潰係遲早問題。

容我咁講,香港要自救,其實可以重建製造業,連成本更高嘅美國同日本都可以,香港更加無理由唔可以。當然,要重建製造業,首要可能先要KO咗賣港嘅梁振英政府先。

小弟有朋友發夢,孭住自已嘅細路喺《1942》嘅情景度,我咁講,如果香港唔自救,真係唔慌唔出現呢挺恐怖情景。


6 thoughts on “郎咸平教授如是作出警告

  1. 其實一直有個疑問想問版主,大吉利是講句香港真係捲入大崩潰,請問短線內銀行體系會有乜影響同埋保護措施會實施?會唔會話臨時限額㩒錢定係點樣?請指教。

  2. ATM用銀聯, 港交所主席係中國人已經係好明顯啦, 金融被人騎劫緊
    依家唯有重整製造業, 做返實業重新開始, 先起海水化淡廠
    再用低價工業村吸引外資, 做好返qc, 令香港製造依個品牌同人有得揮先得啦

  3. High Standard of Quality Control and Professionalism of Hong Kong pave excellent foundation for re-development of Local Industries and International Services.

  4. 呢度有個假設,人民幣係會不停升值,先至會發展產業外流。結果係人民幣要大幅貶值,中共狂印銀紙將出口價人為壓低,製造超通。中共為保匯價不至完全失控,國人資金外逃,會行金融鎖國,放美債對抗美元兌人民幣升值。

  5. 馬英九如果醒水,好應該呼籲台商,包括郭台銘,把廠搬回台灣,既可以利用台灣工資「亞洲四小龍」最低的優勢,製造低成本,高品質的商品;也可提昇就業率,改善台灣經濟。Made in Taiwan如何也比Made in (PR) China 優勝吧。

發表迴響

你的電子郵件位址並不會被公開。 必要欄位標記為 *