李少光錯得離譜

這次保安局將丹麥籍藝術家高志朗,二話不說拒絕入境是膠到無朋友。我甚至可以說,這突顯香港擦老共政棍們對國際政治的零認知。

1. 在港府決定驅趕高志朗時,法國總統薩爾科齊才說支持西藏以香港模式自治,亦即達賴方案,這方案本來是以西藏是中國不可分割一部分作為基礎,但又能西藏宗教自由的中間落墨方案,結果香港出現驅逐高志朗的膠事,這與摑歐盟一大巴有何分別?

2. 很多人誤以為美國較著墨西藏問題,事實上,美國民間比較著重西藏問題是東岸或西岸的影星和知識分子,相反,藏傳佛教在不少歐洲國家是很多支持者,包括中立國瑞士,本來歐洲民意已經偏硬,現時高志朗這件事,你叫歐盟政客如何向選民交代?

3. 高志朗不是英、法兩國人民,他是小國丹麥的國民,丹麥都沒得罪過中國,北歐系國家亦無強硬表態,現時李少光這樣做,素來重視人權的北歐系國家不會還以顏色?

一句到尾,歐盟如果不還以顏色,布魯塞爾的主事人很難向歐洲國民交代,好戲在後頭。

2 thoughts on “李少光錯得離譜

  1. 係時候向歐洲或歐盟政客提出, 撒銷港共及澳共護照免簽的時候
    因為港共澳共已成為中共的傀儡, 既然政府係傀儡, 我唔認為持呢兩本護照的人, 無人係中共傀儡

    況且以我的理解, 基本上共產國家只有港共澳共係有西方本土的免簽 (唔計西方國家的屬土)

  2. 作為一個香港人, 眼見言論自由在香港咁樣被打壓, 心裡真係有說不出0既憤怒同感慨. 俾中共收返十一年, 就已經完全變晒, 高志朗黎到香港, 同埋d記者居然會係咁俾警方嚴密監視. 在呢件事之前, 我都只係覺得, 香港已死就未係0既, 死ing就一定囉. 但我今日完全感覺到, 香港, 真係已死. 政府咁樣做野, 又攞唔出證據話俾全世界聽呢個人有咩問題. 係, 政府咁做完全無犯法, 但係合唔合普世人權標準? 能唔能夠令人信服? 0係呢件事上, 香港已經變左做中華人民共和國廣東省寶安縣啦, 仲邊係香港?!

    學毓民話齋, 香港0既民主自由, 係唔可以靠外國0既施壓, 因為歐美國家都只係為自身國家人民利益著想. 但係今次, 我覺得在於我0地連一度太平門都冇0既時候. 中共, 港共政府同土共, 對香港0既民主自由表現得予取予求, 毫無忌憚咁做出侵害自由0既事. 0係呢次0既事件上, 我地需要歐盟對港共對HKSAR PP visa free suspend 或類似0既制裁行動. 去等港共政府睇到, 做出侵害自由0既事, 係有後果0既. 而長遠而言. British Citizenship, 亦係一個對港共, 土共同中共0係香港政治上, 起到相當0既制衡作用. 當然, British Citizenship 呢個身份, 只係為左增加加我地0既彈藥. 而到時主要並唔係靠英國對中共0既施壓, 而係我地香港人自身去爭取我地0既民主自由.

發表迴響

你的電子郵件位址並不會被公開。 必要欄位標記為 *