由dbc到HKTV

2012年12月4日,係香港傳媒界一個重要日子,無論對電台,抑或電視業。

1. 好多人都知道城市電訊(香港)將會改名做香港電視,小弟應王維基之邀亦見證呢個新台嘅誕生。王維基將新電視台改名做香港電視,除咗代表本土定位外,更代表佢真正想挑戰唔係亞視呢班蛋散,而係一直以香港電視代表自居嘅無線。王維基係一個敢於實驗嘅人,2008年我都寫過我對CTI嘅回憶,我叫呢間公司做王維基實驗室。香港嘅免費報紙,到網絡政治呢個課題,正係呢個實驗室嘅產品。甚至我可以講,HKTV代表係iChannel未完成實驗嘅延續,你睇佢用咁多錢買ARRI嘅設備就知(所以HKTV嘅色水一等好,蔡司鏡同富士龍鏡嘅色水,就係贏晒你齋用Sony、Canon鏡嘅TVB),以前iChannel已經好狼,但無依家狼成咁。

我作為iChannel出身嘅人,我希望王維基成功。

2. 喺法證審計還Morris何同大班一個清白後,大班同何國輝入稟法院,要求引用《公司條例》避免DBC清盤,佢地提出嘅方案,就係佢地承擔DBC嘅債務,並且接手大部分股權。

香港傳媒係無恥嘅,無報導大班已經被還回清白。依家事實好清楚,大班同何國輝係有心經營電台,係黃楚標、李國章呢啲友仔搞搞震無幫襯。如果法庭作出合理嘅裁決,而卡片蘇唔係玩嘢依家收番DBC嘅牌照嘅話,小弟相信dbc有能力喺大班領導下重振雄風。dbc重出江湖,係可以還香港市民真正嘅選擇。

請西環高抬貴手,唔好再悶死香港人。

後話:司徒夾帶話會回應dbc件事,我食住花生等佢回應。


8 thoughts on “由dbc到HKTV

  1. 我都覺得會。如果而家唔收拾 dbc,就永遠都收唔到佢皮。

    “嚴懲”之詞在先,加上成件事有人話過幕後大佬其實係統戰部…我信佢夠膽。

    政治代價?乜來架?WTFC?

  2. 商業糾紛有很多種,但最嚴峻的係富有中囯特式的社會主義深層商業糾紛,亦即非商業糾紛,俾人昆了買了部收音機,無左一日最低工資,仆街!

發表迴響

你的電子郵件位址並不會被公開。 必要欄位標記為 *