趁中共這幫狂人摧毀香港前採取行動

近日梁振英越嚟越前言不對後語嘅表現,政客唔少風聲都指,梁振英政權未必維持到太耐。特別中共十八大團派大敗,梁振英其實無乜靠山。

我都希望梁振英政權早日仆街,但梁振英唔同董建華,如果香港人旨意北京班友主動鏟除梁振英,你班友做咗人質都未知。我講過歷史故事,講明依家香港人儘早採取行動嘅重要性。

喺諾曼第登陸後,當時戴高樂將軍領導嘅法國軍隊首要急務,就係要擺脫美國艾爾豪威爾為首膠人嘅制肘,儘快攻番入巴黎。因為歐洲人一般都知,希特拉係黐孖筋,其實大家都估到,希特拉會下達毀滅巴黎嘅命令。雖然美國有盤算要將法國當成韓國果類國家處理,而亦驚自已無料解放巴黎。但戴高樂係無責任理美國啲硬膠點諗。

當時雖然法美聯軍有兵力解放巴黎,但如果單靠法軍軍力,我諗打耐少少巴黎都一定變碎片。因為當時成個巴黎,都係一大堆魚雷、炸彈之類,巴黎總督係猶疑好唔好執行希特拉嘅黐線命令,不過,如果無藉口俾佢嘅話,佢都係得一個選擇,就係執行命令,因為1944年女武神行動失敗後,抗旨軍人都死得好大鑊吓。

法國人要救巴黎,最有效方法就係嚟場起義俾巴黎總督有藉口拖住唔執行希特拉嘅黐線命令。而8月10日,法國共產黨班友開始起義,戴高樂亦下令法國抵抗運動嘅人,特別FFI喺巴黎起義。當時巴黎總督就用起義發生嘅名義,拖住唔執行命令,直至戴高樂率領嘅法軍抵達,8月25日解放巴黎。

如果梁振英,西環統監府班仆街係希特拉同一類型嘅黐線佬,或佢地幕後老闆係果挺黐線佬,香港唔想被毀滅嘅方法,就係唔好理全民退保果啲打飛機議題,全面動員反梁振英,任何你認為可以嘅方法都可以,令梁振英同統監府疲於奔命,呢班友不得不走人為止。俾佢地有少少空位,呢班友就會毀滅香港,乜都做得出。佢地得唔到,你都唔駛旨意得到,就係呢班仆街嘅思維方式。

未來幾個香港人自救議題得一個,反梁。我呢度,完全唔同意孔浩烽講,話地產黨嘅問題。當年英美唔知蘇聯邪惡,但納粹明顥比蘇聯更為邪惡,決定敵人先後係要分得清楚。如果無曾蔭權好多嘢暗中做,或者將北京黐線命令hea做,我諗香港人真係一早死咗。


3 thoughts on “趁中共這幫狂人摧毀香港前採取行動

  1. 歐洲人的智慧,唔係好準確,智慧係唔會血緣繼承。
    希望香港人臨急生智。

  2. 支持【趁中共這幫狂人摧毀香港前採取行動】!

    響呢道我要強調嘅係:
    香港依家呢個整體集合, 係身歷徹底瓦解之中, 事實係土匪中共一手做成, 但更重要嘅催化元素, 就係內癌, 香港人不外大陸移民, 唔會有外國人嗰種山高皇帝遠, 老子鍾意咁呀, 殺到埋身就作反同你死過嘅自衛本能, 世世代代被閹割後所生出來嘅自然奴化抗體, 萬無一失地被濃過血的基因供奉着. 多數港人都係紅墊揖盜, 樂於被姦.
    依家搞到家破港亡都係得少數人反抗, 但係普遍來講意識上都係未到家, 心態好似過客隔山剝花生睇大戲咁款. 須知中共係一個謀財害命陰險毒辣嘅唯利組織, 眨眼都領嘢, 蔣介石百萬大軍覆滅, 日不落帝國被迫雙手奉上香港, 超級強國半隻睪丸畀強國揸住, 你估真係我哋啲普通網上口水人做得到.
    香港反對方量同中共過招後結果有目共睹, 啲政黨噩耗不絕, 節節敗退, 其他社運都係進一步退兩步. 中共如果好似啲遊戲人間嘅逍遙書生形容得咁笨七, 咁佢啲手下敗將咪更笨七囉, 就咁簡單.

    有班七頭戇久久走出來攪乜狗快樂抗爭開party就以為可以推翻某啲政策, 真係笑死人無命賠, 無尾狗戇居畀人扯住來當馬騮咁玩, 都係唔明點解人地啲國家咁呆, 用天文數字金錢做軍費, 美國揾個啞啞婆, 南韓出個肛腩屎呔開多幾場, 北韓兵不血刃唾手可得更快廉好.

    政棍佬都係寄生蟲, 專係揾窿揾罅來食住你啲普通人, 周不時啲普通人響唔(冇渠道)明幕前幕後內蘊之下, 算五步笑操權者十步. 得明白世事如棋局局深, 你呢五步當然可以傲視同儕, 但人哋廣深大得多嘅就有十步嘅考慮.

    所以, 共賊班人係狂妄自大, 目中無人, 香港人應該仇視佢而唔係輕視.

    港人反抗行動中太惜身, 部份受法輪功「天滅中共」神化嘢影響, 心願天降民主等運到, 唔明乜嘢係冇免費的午餐. 法輪功雖然話係「天滅中共」, 大大話話都拋個身出來成日響全世界多個地方駐紮, 向駐當地中共使館抗議練功, 上法庭告江澤民, 電視報刊橫額畫像展覽, 派發宣傳品等功課做足. 反觀港人專打高分貝旱雷, 到時收工冇雨落.
    抗爭手法又7又助敵, 最勁都係玩啲乜9絕食, 西藏人成日自焚都只不過換來被更凶狠地打擊佢哋嘅 “恐怖主義分裂勢力分子”. 拎己方最勇敢嘅人去自殺等於自斷手足助長敵勢. 都唔知啲乜邏輯嚟嘅.

    連象徵式嘅少交十蚊稅都冇乜人響應就知啲人係點嘅心態.

    既然係參謀官多過前線卒, 又恪守身體髮膚, 受諸父母, 不敢毀傷嘅鍵盤戰士一樣可以報港, 譬如來個無名氏啦, 整返個蝗國貪/裸官在外國詳細的家小產業公開資料厙, , 包括生活起居, 習性朋友, 活動範圍路徑等等…內容愈多, 愈詳細愈好. 唔好等佢哋以為做埋啲傷天害理嘅嘢都可以逍遙自在冇人追究.

發表迴響

你的電子郵件位址並不會被公開。 必要欄位標記為 *