梁振英仲要呃香港人到幾時?

本來小弟喺日本公幹,穿梭大阪、京都、奈良、名古屋幾個城市,去到人都癲嘅地步。只不過梁振英下午對僭建嘅解釋,簡直係黐線嘅地步。佢仲喺度扮自己對僭建唔知情。我可以講,根據文件,梁振英條友好大機會明知有僭建,所以照喺正式買賣合約簽必買必賣條款。

首先,大家要了解吓,呢單刁嘅經紀係乜水,呢間公司係2000年1月5日前嘅梁振英測量師行有限公司。

Old CY Leung CR

點解我要強調2000年1月5日前,因為根據公司註冊處紀錄,2000年1月5日,戴德梁行同梁振英測量師行有限公司互易名宇,所以一定要對番,1999年果陣嘅梁振英測量師行有限公司係乜水搞。而以上嘅Historical Record,已經show晒當中關係。

根據我自己攞錢出嚟搵嘅AR1,1999年9月報嘅AR1紀錄如下:

PS300012784904_01a

而根據呢份AR1,負責做呢單買賣,同時代表雙方嘅經紀梁振英測量師行有限公司,唔單只梁振英同佢老婆梁唐青儀係董事,而且持有普通股嘅亦係得梁振英同佢老婆梁唐青儀。呢單嘢梁振英唔知情,唔記得,佢呃緊邊個?佢自已同時係賣方經紀添,佢唔係以為公眾係傻架嘛。


5 thoughts on “梁振英仲要呃香港人到幾時?

  1. “佢唔係以為公眾係傻架嘛。”

    冇, 只不過佢自恃大石, 公眾係蟹之嘛.

  2. 唔見棺材 , 唔流眼淚 , 對無恥之尤狼狗營 , 以至對乜狗屎垃圾都願收貨0既香港順民 , 都係警世之語 .

    引狼入室已成定局 , 仲幻想隻狼狗會變番羔羊 ? 有種就等一個機會 , 屠狼救港吧 !

發表迴響

你的電子郵件位址並不會被公開。 必要欄位標記為 *