爛騷之霸

亞視想學dbc咁喺政總搞騷,本來已經買定花生睇佢有幾爛。以上嘅亞視仆街Style,加上王征對香港民選立法會議員毛孟靜極之無禮嘅言論,令成場騷變爛騷之霸。

呢場騷話俾大家聽乜嘢,就係有劉迺強、劉夢熊、曹宏威呢啲仆街支持下,喺中共支持下,亞視幾爛都可以霸佔大氣電波,提供垃圾節目。係唔係要搞到香港要爭取獨立,喺獨立政府下至能夠有正常電視睇?如果政府一個月內唔發牌,小弟唔排除一個月後策動群眾運動反制亞視,還香港人正常舒舒服服睇電視嘅機會,開放市場。

仲有,我要點名指責一位我以前嘅朋友,曾經喺《光明頂》做嘉賓主持,依家仲喺進念進念二十面體嘅胡恩威。佢條友自己個節目去到零收視,幾乎係服務和合石嘅都算,亞視惡俗到呢個地步,佢為咗佢自己個垃圾節目《亞洲政策組》,竟然去撐亞視,反對可以改良香港電視界嘅開放市場政策?佢仲好意思批評CCTVB嘅?以上嘅爛騷,已經唔係任何一位專業傳媒人可以容忍。


4 thoughts on “爛騷之霸

  1. 江南士打、香港未來丶亞姐、政總、發不發牌,無一跟CCATV扯上任何關聯,既無騷,何以爛?學他的節目所言,飲杯,然後收皮⋯⋯⋯⋯
    要搞都留番俾CCTVB啦。

  2. “小弟唔排除一個月後策動群眾運動反制亞視,還香港人正常舒舒服服睇電視嘅機會,開放市場。”
    澤世兄此言差矣, 君不見亞視只係走狗一爿, 打就盞嘥力, 係打就打狗主(竊港奴才太監總竇), 亞屎留番畀Captain Midnight – John R. MacDougall (born c. 1961) 或仿行者攪掂.
    有問Captain Midnight何許人呀, 請找

    http://en.wikipedia.org/wiki/Captain_Midnight_(HBO)

  3. 其實依據亞視反對發牌的理由,最好的做法係先收回亞視個電視牌,然後再發個新電視牌俾王維基,咁就完全無問題了。LOL

  4. 香港人仲唔明? 呢個係深圳, 東莞, 廣州等大陸地方既電視台, 梗係唔佢執啦! 發動全港市民”送”呢個台返入大陸最實際!

發表迴響

你的電子郵件位址並不會被公開。 必要欄位標記為 *