亞視挑戰硬膠極限

作為兩次dbc公眾集會(遮打花園同政總)嘅《公安條例》公眾集會持牌人,見到亞視走去做東施,想笑。

亞視見到dbc可以用自己嘅大氣電波嚟對抗黃楚標,並且得到員工鼎力支持,又得到民心,就以為可以有樣學樣,但亞視班蛋散無睇到幾樣嘢:

1. dbc集會係由下而上,聽眾搞。連我呢個持牌人,都唔係dbc員工嚟。你亞視就自己搞,簡直硬膠。
2. dbc員工係有自己信念,我未聽過大班迫人集會,反而前員工,包括同大班炒過大鑊嘅黃偉民同陳景輝仲上台撐dbc,亞視?你慳啲喇。
3. dbc真係涉及言論自由,因為dbc嘅言論節目主持好多都係統監府眼中釘。你亞視?ATV焦點已經激起民憤喇。

明天毛孟靜議員、范國威議員、陳志全議員,仲有出身自亞視前身嘅麗的電視(香港)嘅蕭若元都會出去同亞視挑機,亞視直播嘅話,我食住花生睇亞視點死。


2 thoughts on “亞視挑戰硬膠極限

  1. 電視臺吖嘛-做大戲咪最叻囉…

    【唔係「中央」關照】維穩托住…

    收得支蝗爺錢財, 理當替人消災…

    王維又係托大得過分, 有冇交心(畀痛脚[匪語:黑材料])畀班山賊呀?…冇…咁還唔快啲返居揍孫!

    愛國人仕邊個有興趣執呢個爛攤子去xxx道交錢攞籌啦! 你都冇分做戲, 重唔郁…

  2. 之前唔係判罰100萬,王征干預亞視管理,盛品儒不乎合資格管理咩?
    之後又有atv焦點接3萬宗投訴?
    atv一早應該除牌啦,講真宜家atv點搞睇黎都無人處理得佢啦…
    通訊局,好似都無乜行動,議員好似都無乜出聲….真係無符…

    ====================
    其實呢次atv膠show,節目是利用免費電視頻道,
    來反對政府發免費電視牌照,是否有違廣播條例?有損公眾利益?

發表迴響

你的電子郵件位址並不會被公開。 必要欄位標記為 *