城市論壇港獨論戰


小弟離場嘅情況

出席《城市論壇》非小弟所好,一嚟小弟懶,並唔鍾意早起身,另一方面,小弟亦非巷戰專家。但小弟做《城市論壇》台上嘉賓,就要搞到警方護送,更罕見有藍帽子警員進入會場清理局面,雖然呢次一定無2010年城市論壇全星賽,余若薇激戰林瑞麟經典,但火藥味一定勁爆。

由於場面混亂,兼且發言時間超級少,就算台上嘉賓都未必講得夠十分鐘,所以我呢次係以花生友心態打呢場仗,亦費時中愛黨力想抹黑港獨派計,結果佢地自由啲非理性行為已經自取其辱,邊個都識KO佢地。基本上,大家要睇唔係小弟嘅辯才,而係劉夢熊同埋愛黨力呢班友幾咁不知所謂,以及同埋香港民意距離有幾遠,連劉銳紹都激到爆Seed,我識夫子都有十年,佢一向溫文爾雅,佢都激到公開爆Seed,愛黨力呢班友真係同1967年果個港共無分別。

以我打石膏揸枴杖嘅情況,其實我有大條道理唔出戰,因為我真係會有安全問題,負傷而休戰,亦不論罪。愛黨力呢班友,牛油呀、中國國旗都擲晒上台,我大可告佢地Common Assault,都未計佢地侮辱中國國旗,以及對小弟嘅種族中傷言論。但我相信一樣嘢,作為武士,係要知行合一,唔應該齋吹,唔一定舞劍舞得好,係唔係大劍客都要睇後天努力、天份同運氣,但成世喺間屋論劍而唔舞劍,就一定建立唔到戰鬥經驗。作為武士,亦無理由因愛黨力呢班友嘅爛仔行為縮沙,縮沙係縱容暴力,所以我出戰。

中共之所以唔怕人民,因為中共靠嚇果陣無人還擊,只要你企硬到底,到底邊個驚邊個,我相信答案好清楚。

至於劉夢熊話要禁止舉香港旗,根據各方高人高見,梁振英敢立法,甚至亂實施《基本法》23條嚟實踐呢個目標,下次大家真係舉英國Union Jack,之後舉女皇畫像出街,屆時中國政府都禁,香港同中國都會膠到核爆。劉夢熊嘅建議,充滿膠力,值得跟進。

最後小弟想多謝幾方面嘅人:

1. 呢次保護小弟出出入入嘅一眾朋友,如果無佢地部署,我諗以我跛嘅情況,應該被愛港力呢班暴徒打到受傷。

2. 謝志峰雖然設咗一個對港獨好不利嘅題目,但仍然要多謝佢,佢做《城市論壇》主持兼監製,難度極高,場面極不易維持,功力少啲都死。

3. 要多謝東區警區妥善嘅部署。


16 thoughts on “城市論壇港獨論戰

  1. 哩班愛撚都唔知係度搞乜撚,但他們起碼為香港正午時份帶來無窮歡樂。
    都說囯民教育出產愛撚嫁啦。

  2. 史文鴻身後觀眾席的是不是之前俾人踢爆係共青團的陳冉?(希望冇認錯?)佢係咪已經入左特首辦?

  3. 講真,你同陳子進既言論已經好務實好客觀,只不過係要求香港高度自治。但係後面班阿伯係都要抹黑你地係港獨,根本係無限上綱上線。最可怕的是,好似環球時報這些國家喉已經將所有民生問題,例如反國民教育、反東北發展、反上水水貨客都上網上線成為港獨。根本上就算冇龍獅旗,或者英治香港旗,現在基本上任何爭取香港權益的人都會被佢地稱為港獨。本來香港人係可以有商有量,好多香港人都好乖好和平理性。但係佢地就係要將所有香港人都歸類為黑五類,以文革式批鬥去,本來有商有量既野佢地都要激化到敵我矛盾。現在根本不是香港人在反抗,是中央想逼死香港人吧了。

  4. 您哋睇翻西藏(圖博)及新疆嘅遭遇,就知道如果今時今日都重喺將所有事件當成本地事務,就會進一步俾佢哋食住上。宜家喺要有人開始拉其他開外地區,例如美國,英國及聯合國嚟檯面嘅時候。因為香港已經有太多外地人扮本地人啦!

  5. CL,

    陳子進要求ge香港高度自治根本係唔可能發生. 15/6年前, 香港選舉特手, 北京巳組手指指.

  6. Keung: 香港以前曾經有「遞解出境」呢個政策,1967年之前曾經有唔少親共人士被港府遞解出境返大陸

    urbane peasant: 由1949至1971年間,香港主流報紙通常都將大陸共產黨政權簡稱做「中共」,「中國」係指統治台灣既「中華民國」,即係「自由中國」

  7. 其實好多香港人都未必想”港獨”,只係想多番少少自己可以話事的權力(例如普選咁),點知大6佬就全部打成係”港獨”,咁樣係逼虎跳墻,原本無打算”港獨”的港人都會被逼真港獨。

  8. 其實大陸一早話過你地知, 香港唔會有自治
    基本法嘅高度自治, 係四隻字加埋一齊睇, 係一個VOCABULARY
    係班傻仔先以為高度係ADJECTIVE, 自治係NOUN
    “高度自治”,就好似”港人治港”一樣, 從來唔係解自治
    只係”冇自治”嘅另一種文字表達模式

  9. 黃兄,
    當日你的表現冷靜及出色,其中有一論點KO劉夢熊,就是香港人不一定是中國人。
    但那個陳梓進就不行,只得一個論點,就是中國不能干預香港事務,有很多例子沒有引用,說服力大打折扣。當他拿出護照時,我還以為是BNO,原來是中華人民共和國香港特別行政區護照!這樣犯了自相矛盾的謬誤。所以他是「我口地係香港人,唔係中國人」群組的發起人就沒有說服力。他有自由聲稱自己唔係中國人,沒有犯法。但他在用特區護照,只能道德上批評他食碗面反碗底。

    原來黃兄早在2010年已經留意米字旗,其實不應大驚小怪,在香港萬國旗都舉得。如果發起人用米字旗是策略(不是貪玩),就有機會如黃兄所說像毛澤東當年以湖南獨立來革命。但看來他們沒有毛澤東的智慧。

    我認同劉銳紹的分析,希望左派不要過度解讀,這只會令社會更不安寧。
    我都是第一次見夫子要大聲話「請聽我講!」

    (P.S. 其實應該回復中史為必修科!)

  10. 辛苦你了,那堆賤民一直吠真很煩,香港人只想有多些所謂自己當家作主的”應有”權力,不要每樣東西也被死大陸帶來壞影響而無任何權力阻止(或法理上可阻止的,但大陸狗官又吠叫,香港高官不擦鞋親共又如何有高官做?所以高官們都不敢反抗實在香港人之悲歌),入境批權不應只由大陸話事,大陸放垃圾來香港也要收,又不能打他們回頭更是可悲,社會問題太多香港人如何不懷念英治時代?倒反轉來說如之前由大陸管很好,但由英國接手後出現如今社會種種同類情況,我看香港人只會更加不爽,所以那些死老鬼是老慒了,愛國不等於愛共產黨,盲目愛國就是禍國!

  11. Jigsaw:此「中國」不同彼「中国」,後者台灣叫的共匪,因此要用殘體字來表示。

發表迴響

你的電子郵件位址並不會被公開。 必要欄位標記為 *