削減體育城背後殖民圖謀

頭條日報:政府或擱置啟德體育城 許晉奎:體育界會上街

「女車神」李慧詩於倫敦奧運摘下銅牌,為本港掀起運動熱,然而政府為增加房屋供應量,正檢討啟德發展區規劃大綱,並考慮擱置啟德體育城計劃。而港協暨奧委會副會長許晉奎指出,體育界對政府擱置體育城感到憤怒,強調一旦當局推倒重來,體育界或有數萬人上街抗爭。

梁振英真係威,由特首選舉期間至今,食咗三鋪政治核武(唐英年爆防暴隊大鑊、傳媒同小弟爆佢僭建大鑊、林伯同小弟又爆中聯辦dbc大鑊),引發兩次圍城行動(國民教育、dbc),都未知衰字點寫,依家表面上解救新界東北抗殖危機,削減啟德體育城作住宅用途,點知連許晉奎都會上街。

但更奇怪係,由霍英東在生至今,體育界素來係中共重點統戰對象,梁振英點解夠薑至郁佢地?

香港人冷待中國奧運代表團訪港,相反,李慧詩摘金得到重視,連李嘉誠旗下屈臣氏蒸餾水都搵佢打廣告有關。

由李麗珊到李慧詩,呢啲香港本土出生嘅運動員,已經係香港本土運動嘅圖騰,如果香港繼續發展精英運動員,中共殖民香港嘅算盤就打唔響,所以中共為咗打擊呢個曾蔭權爵士治下留低另一件炸彈,就以發展樓盤名義要打壓啟德體育城,根本就係殖民圖謀。

我唔鍾意香港體育界揸弗班友,就為咗守護香港本土嘅國際自主身份,我唔會贊成削減啟德體育城。體育界上街嘅話,小弟都會上街。


12 thoughts on “削減體育城背後殖民圖謀

  1. 應該上街。看看共產黨怎樣打壓香港足球便知。中共要殖民香港,香港足球絕不能興盛。

  2. 成日話香港唔足夠土地, 所以要依度起樓, 個度又收地起樓, 點解無人討論香港係咪人口太多太多?

    成個香港根本係一間大籠屋. 一個人如果佢個生活社區, 只係提供食, 痾同瞓, 無似樣運動設施, 呾同生活係畜生有乜分別.

  3. 這麼喜歡融合,政府總部包括司長官邸及駐軍總部立刻搬上深圳以騰出空地建屋,唔係講少,他們都立刻上街。

  4. 諗起李慧詩攞獎 & 林丹贏咗李宗偉之後, 啲五毛開火狂小香港人做乜唔戥林丹高興, 更甚是有五毛大鬧 “香港都回歸咗, 點解仲有香港隊”

  5. 體育容易培養尚武精神,中共最驟忌地方民間發展自己的運動,故必須收歸中央並受控制於黨國機器,那些”體育學院”,同”國家體委”正等於”中宣部”和”作協”之於中國文化界。香港體育界當然不是這個系統內,故中共需要港共配合將其陰乾,使香港人長期缺乏運動,只奉獻其所有精力給財閥(中共治港的代理人)以消耗港人鬥志。

  6. 立會會改基本法,香港只是中国内的一个城市,不可獨立參加國際組織。這是一些議員只聽到五毛的聲音。

  7. KLUST

    香港不缺住宅用地, 只係被團積掉而己, 因為有利益瓜葛, 政府從不敢出招對付地產商, 把被團積的房屋/土地推出市場.

  8. 衰字有十劃。 體育界抗爭會係第五劃。 未來剩餘五劃會響邊度寫完梁特首任期呢?

發表迴響

你的電子郵件位址並不會被公開。 必要欄位標記為 *