真心難求之英國人效忠中國論

吃鯨魚的人
[email protected] | 219.77.163.136

一個持有英國護照的中國人就唔可以發表自己愛中國的心?發表自己愛中國的心就要退出英國國籍?
我建議你番英國同唔好打中文字,係中國地方同打中文字根本就侮辱左你個身體﹑你個腦同你隻手。

正所謂,假貨大把,真心難求,呢位吃鯨魚的人的真心程度,只能夠另文處理,才顯得真心可貴。

持有英國護照,根本不應愛中國,因為每位英國護照持有人,都是英國國民,那是向英女皇效忠的。當英國和中國在價值上出現嚴重差異的,手持英國護照但公然愛中國,不要說英國人,相信不少香港人都有意見,情況與陳啟宗這名美國公民,教香港人如何愛中國同等荒謬。

如果那些走去示威的「英籍華人」,是透過歸化入英籍,那些人根本在發假誓,因為歸化入籍時,必定會宣誓效忠英女皇。所謂效忠女皇,不是效忠個人,而是效忠英國的民選體制和政府。

共產黨一向利用華人對國籍和國家概念不清的空子,叫那些已經入了外籍的華人繼續幫老共,結果全世界都懷疑華人的國家忠誠,印尼排華就是老共利用當地華人「愛國情緒」,干涉印尼內政而觸發,吃鯨魚的人知不知自己在發什麼膠風?

吃鯨魚的人,如果你這樣愛中國,如果你持任何一款英國護照,請你公開退出英國國籍,包括公開閣下的退籍證明書,否則就少大言不慚。

13 thoughts on “真心難求之英國人效忠中國論

  1. 昨天看曼谷傳火時也有同感。

    喜歡的話,出來歡迎沒所謂,但如果要搖五星旗的話,我想留給中國留學生比較好。
    畢竟,「愛中國多於本國」引人猜疑,也是東南亞多國排華的理由之一。

  2. 前排, 加拿大嚟咗個中國移民, 他以移民身份扺埗, 由加拿大出發到咗北極, 響北極插咗支國旗 – 中國國旗.

    呢單嘢主流傳媒都有報導.

    你真係好難怪人哋質問, 到底我哋呢班係移民定係中國派嚟既間諜. 中國咁好, 好到其他人唔可以鬧你至愛既中國, 嚟加拿大把撚?

    我哋呢班移民如果想入加軍或者軍事敏感單位, 俾唔俾我吔入好? 俾, 又驚你真係間諜, 唔信你又驚整多個李文和.

    國家大選投票時我哋係為中國而投票定係投為加拿大著想而投票?

    如果你見我攞住支中國國旗為中國抗議加國時, 只會係因為公義, 而唔會係因為民族主義. 呢次西藏單嘢, 中國根本唔係公義果邊 — 西方傳媒講錯嘢/亂講嘢你就媽到九彩, 中共閉門打仔你聲都唔聲?

  3. @新仔。如此不實言論,小心構成誹謗。不負任的評論,於德行有損,於立論無助。

  4. @mum

    我唔知你講乜嘢不實, 誹謗, 不負[責]任, 德行有損, 呢堆罪名聽到有啲 R 頭. 講清楚啲得唔得?

    希望你唔係莫須有, 睇你其他 posts 你唔似係咁既人.

  5. 未聽過Micheal Jordan 話愛非洲!!

    未聽過”屎太濃” 話愛義大利!!

    未聽過Bush 總統 話愛英格蘭!!( 好似有英王室血統)

    未聽過Obama 話愛非洲!!( 真的愛非洲…可以準備退選!)

  6. d大陸糞青成日諷刺我們HK人飲大陸水, 吃大陸食物長大….. 係英國走狗!!

    家陣d飲coke , 吃Hamburger 長大的美國唐人,走去圍CNN!!
    正式大陸走狗!!

  7. 咁, 其實 CNN 條友講嘢又真係幾過火既 (不過佢講嘢不嬲都激架喇, 又唔係淨係對你中國人先激既啫).

  8. @mum

    呢個係誤會.

    “俾, 又驚你真係間諜; 唔信你[,] 又驚整多個李文和”.

    想講出嚟既意思, 差唔多係: 想信任你, 怕你原真是間諜; 不信任你, 原來你一如李文和一樣, 是無辜的.

    後面果句 “驚整多個李文和” 同前面果句係 “真係間諜” 對立.

  9. 樓上話”東南亞d人尊重Japanese 多過大陸厘, why ?”
    不單是東南亞啦,歐洲美加各地都喺, 睇到斯文啲, 著的齊整啲就會問你是否日本人!
    一句話,”面是人哋俾嘅,架就是自己掉”,呢個世界好現實, 自己唔爭氣,再惡都無用,仲以為喺威喺勢, 要人哋俾面你,幾難囉!

  10. 雖然「愛國」就應該得一個國藉。不過用英國既例子唔係太合適,美國就會好d。
    你都知道英國係可以有雙重國藉嫁嘛,而中國國藉法係掙用單一國藉。所以係共產黨眼中個d歸化英藉全部冇效,所以佢大搖大擺舉五星旗你又唔可以話佢地wor。正如我地香港既中國裔公民自動有中國藉姐。所以共產黨根本係依一度就係高招。佢地可以話,我地都冇放棄中國藉,雙重效忠一定有邊多d有邊少d嫁拉。

  11. 英國可以雙重國籍,但中國不容。

    中國係夾硬容許香港英籍人士同時兼有中國國籍(少數族裔同埋南洋華人係例外),但對中國本土出生的,一向都係厲行單一國籍。

    唔知幾時中國無端端改咗國籍法?

發表迴響

你的電子郵件位址並不會被公開。 必要欄位標記為 *