惡搞江南Style:惡搞都要增值

錢國偉搵咗一大班藝人惡搞《江南Style》,本來都算一種進步,至少藝人都願意學習乜叫二次創作。但同美國版,香港錢國偉就空有技巧而無內容。

《江南Style》韓國版本來就係潤班南韓嘅有錢佬,江南區係南韓漢城嘅有錢人區。而美國佬用《江南style》嚟寸羅姆尼,不單符合原曲嘅原宗旨,而且真係寸到羅姆尼為首班共和黨人一棟都無,係有內容嘅惡搞嚟。

二次創作之所以稱為創作,因為要喺原來嘅創作上增值,咁嘅惡搞至叫好睇,甚至超越原創。錢國偉只係用惡搞證明佢自己可以做到幕前,但證明唔到佢有料去超越高登仔搞惡搞。

後話:你依家明點解《版權條例》諮詢期間,我成日鬧爆班唱片界嘅古老石山,雖然最後iTunes都能夠登陸香港。《大愛香港》單嘢,實要同環球唱片算賬。

參考閱讀:
天主教天亞社:點評南韓歌手Psy火爆嘅《江南風格》
對於唔明白《江南風格》社會脈絡嘅朋友,呢篇文幫到你。

雖然Psy自己都長大喺江南區,並喺波士頓大學畢業,但某程度上,都算係Psy一種自我反省。


6 thoughts on “惡搞江南Style:惡搞都要增值

  1. 大奴才上身,講下奴才話先

    錢國偉版本是反映香港低下階層的糜爛生活。你看不務正業,到處逛,又買馬,又坐地下鐵。
    社會上層不同,無暇可擊,完人,有科技、有規舉、會反省、說話理直氣壯。

  2. 完全同意「二次創作之所以稱為創作,因為要喺原來嘅創作上增值,咁嘅惡搞至叫好睇,甚至超越原創。」
    Mitt Romney Style vs Hong Kong Style,完全是不同Level。Mitt Romney Style有內容,畫面亦配合所表達的信息。
    反觀Hong Kong Style(錢國偉)只是找些明星來演出,還不如我怕國民Gwokman Style!(Daniel Ching)精彩(雖然我不支持反國教的一些行為及觀點,但不得不讚賞他的創作)。

  3. Just Saw that Gwokman Style after you mentioned it. That was filmed in Vancouver.
    See how multicultural and open environment in North America stimulate creativity :>

  4. 國民 style 和詹瑞文的奸男 style 都惡搞得不錯,有 point 。
    這個 HK style 卻沒有甚麼看頭了。
    而且當大家都一窩蜂去惡搞某一題材的時候,這題材已經被人玩到殘玩到厭。

  5. 呢單嘢我只諗起馮添枝呢條趴街, 佢講過二次創作等如侵權所以支持版權修訂條例
    既然係咁, martin 你應該召佢出嚟, 叫佢去youtube 舉報呢條片侵權, 咁先啱何車
    但如果佢唔告, 咁即係表示錢偉國、曾志偉呢啲 “紅星” 就乜都得, 平民百姓就乜都唔得, 講到尾即係馮添枝聯同演藝界大輪晒。咁唔該佢以後响二次創作事件上面收嗲, 甚至收皮!!!

發表迴響

你的電子郵件位址並不會被公開。 必要欄位標記為 *