dbc被迫停播

游清源攝

dbc最終被迫停播,呢單嘢係政治事件其實好清楚,但有啲友仔,作為大班嘅朋友,亦作為幫過dbc手嘅人,我一定要回應。

首先義播問題,周融條友周圍潑冷水,佢喺facebook咁講

義播不是一件容易執行的事。員工可以義務工作,但場地,器材,其他工程所需之物,甚至牌照,都不屬於員工所能控制的。換句話說,除非管理層擔起,支付例如廣播網絡費用,員工,DJ在咪前講,但怎能播出街?極可能管理層已通知外面支援方面今天八時開始停播,再也不會付數。所以再播出是很難發生。
我只是以傳播界人仕的認知和經驗說出現實,希望大家不會誤會是甚麼潑冷水。

條友咪扮嘢,佢潑十噸冷水都唔會有廣播處長或副局長佢做(如果佢居然夠薑敢去做嘅話)。

以我理解,場地、器材、其他工程、廣播網絡等等都係PCCW,大班同PCCW之間嘅關係,呢個從來唔係問題。周融咁講,唔知就嚇死,知就笑死。雖然大班喺dbc一役係弱勢,但大班、Morris同夏佳理都唔係流嘅。

之後,就司徒夾帶。

司徒夾帶呢條友啲嘢,我一向唔推,因為佢係梁粉都幾明目張膽吓,而呢鋪佢話大班經營不善,我想問,依家黃楚標有一如承諾注資咩。黃楚標咁怕盤生意衰,咪賣股俾大班或其他人斬纜,做生意人正確做法都係賣股走人,依家黃楚標又唔注資,又唔賣股,唔係西環同隻狼發功又係乜?司徒夾帶,咪喺度扮民主派喇。

dbc係照妖鏡,呢鋪至少照咗兩件上水先。


4 thoughts on “dbc被迫停播

  1. 伸多一腳:黃楚標嘅 “注資承諾” 係BLACK & WHITE 來的
    再一個證據證明共產黨連BLACK & WHITE 都唔會跟
    即係仲信共產黨 = 白痴仔

  2. 黃楚標先生是不是暗駡共產黨呀,廣播為人民,不為政黨。
    中囯人講話往往令人難以理解。
    香港無了董標叔叔,五星旗下多了楚標叔叔。

  3. 得罪講句,黃楚標,李國章,李國寶等人,為共產黨張狂,不理商業誠信及商業原則,他日生意失敗也不用可憐。是活該!

發表迴響

你的電子郵件位址並不會被公開。 必要欄位標記為 *