咁樣就撤退?之後點算?

20120909-015736.jpg

本人所攝
Olympus E-PL1
Panasonic Lumix G 14mm f2.5

黃之鋒宣布撤退,我相信好多人唔同意呢個決定。只不過,大家亦唔可以就咁由得個運動散,或者就咁宣布移民(當然我歡迎各位因此投入BNO平權運動)

小弟每晚都喺現場觀察,但有兩個現象,令我覺得,如果我係黃之鋒,可能先解散,後由其他憤怒群眾自行組織更實際:

1. 幾件社運膠騎劫咗個台,葉寶琳做主持絕對係凶兆嚟。佢地唔係要搞成功嘅社會運動。

2. 社運膠做司儀都未算最大鑊,最大鑊係社運膠安排啲節目越嚟越偏離主題,又播電影《The Wall》,又喺度講成堆同國民教育科無關嘅議題,你話假如我係黃之鋒,我仲有乜好做﹐唔通做光緒皇帝咩。呢個亦係社會主義行動班膠人,夠膽存在嘅原因。

依家唯有係進入後學民思潮年代嘅抗爭,有四樣嘢要做:

1. 明天千祈咪投白票,將超級區議會票化為反國教公投。土共大敗,對之後反國教有利。

2. 支持學聯罷課,大專生應該積極籌組罷課。

3. 考慮再度佔領政總嘅可行性,依家喺政總嘅人,應該自組臨時佔領委員會。

4. 各位應該考慮積極霸佔校友會、家長會呢啲山頭陣地。

同埋以後有乜社會行動,唔好再預呢班社運膠,我好飽,講真。


28 thoughts on “咁樣就撤退?之後點算?

  1. 絕對認同接手佔領嘅計劃,自組臨時佔領委員會,要中學生一直背負咁重嘅責任跟本唔合理
    而且今次運動重點係自發參與
    純粹係幾個人話撤就撤,即係要社運回復之前嘅爛

  2. 如果今次運動可以演變成爭取真普選就好.

    香港一日未有真立法會同特首普選, 香港一日係中共淫威之下, 國民教育唔知幾時陰d陰d斬件番黎. 總之, 我覺得中共/港共唔會咁放手.

  3. 呢個就係我講點解和平示威係中國冇用既原因…

    1. 人民永遠冇可能比一個會因為人民PK而飛黃騰達既人更加堅持人民PK

    2. 你冇得升級. 最後既OPTION就只能撤退…人地怕鬼你撤退咩

    3. 無論堅持幾長. 最後的結果就是拖到唔知做D咩好. 拖到任何人都唔會理你 好似佔領華爾街 佔領中環咁….

    佔領華爾街既和平方式係西方既墮落….怕人地講咩 口實咩 啫係咩都唔使做….最後就係失敗….我話既…

  4. 昨晚我見到葉寶琳,也心知不妙。得罪說句,這班社運左膠成事不足,敗事有餘。連朱凱迪也認為決定有錯。證明只有朱凱迪還會吸取經驗,希望成功。這班左膠根本在逃避自由,恐懼成功帶來的責任。

  5. 社運的基礎條件是民主國家….而家香港既運動方式係用手球既玩法玩緊足球….而對方係玩緊美式足球

    其實呢個時間撤退真係為咗選舉…..但係應該無人夠膽話單野係佢地成功爭取..笑

    最後加多個預言….超級戰 民主黨會同民建聯3/2 但就算4/1 我都可以批死佢地都會出賣你地買番D比超級區議會更騎呢既野

  6. 一早認為你長期抗爭 , 唔係一時三刻十日八日熱情 , 所以有策略撤退 , 我認為唔係太大問題 , 最緊要唔係一拍兩散 , 毫無跟進行動 .

    韓連山老師這種義士鐵漢 , 真係不忍見佢絕食到不支倒下 .

    再講 , 以港共賤狼狗官府之所謂誠信 , 就算狼英聲大大話撤回 , 一樣可以隨時反口 , 禮義廉從來不是港共那杯茶 .

  7. 唔想再講都要再講.

    戰略性撤退其實只係潰退 所謂戰略性. 只係給敗退比較好既修飾詞 例如. 長征. 例如. 敦克爾克. 收尾和再聚兵力既. 都不會是導致失敗潰退的那一班人. 出來最終搞掂單野既. 當然唔會係應該為潰退揹飛的人…

    而香港呢鑊既「戰略性撤退」其實好明顯係符堅式的撤退. 一退就冇晒重心 冇晒統一性. 人地就可以乘勢而上了.

    不想升級. 就無所謂長期抗爭. 甘地既對手係英國人. 係赤柬佢會連名都冇…

  8. 今次有點像銀英傳巴米利恩戰役中楊威利差點擊倒箂恩哈特,但被行星同盟下令停火求和。後方不際,無能,錯判情勢,功虧一匱。

  9. The Left or Great China plastic never attempt to leverage BNO issue which violate their ideals and core values. It provides perfect force shield to screen them out if they love the left or great china concepts.

    BNO represents 3 million holders who mostly reside in Hong Kong. The Left or Great China plastic have no seats for them in such issue. Possible screen Yip, Chen and Lam OUT!

  10. 梁賊:撤與不撤之間有很大操作空間(=即是不撤啦)
    大聯盟何不這樣回應:罷課與不罷課之間有很大操作空間(局部罷課,罷上任何國民教育)
    梁賊:一個多元社會,學校有自由決定是否推展,已開展的請讓他們繼續開展,不要干擾他們
    大聯盟:一個多元社會,家長學生有自由決定是否罷課,已經決定罷課的(e.g.大專)請繼續罷課,不要干擾他們。
    只可惜大聯盟唔識得同梁賊玩膠!佢地太老實了!

  11. 歡迎各位因此投入BNO平權運動

    <<<— 題外話, 而家有兩個Fronts, 其實火頭係邊面? BHK 好似拍曬蚊…

  12. 唉, 要提既早就提晒……
    http://forum11.hkgolden.com/view.aspx?type=CA&message=3949260
    最大問題係就咁就散, 大聯盟己經係自閉運作, 毫無其它組織可以幫手, 然後搵左葉國華眷養果一班左膠. 咪即時內部爆破咯. 跟 hknp 當時既情況exactly 一樣

    連學民思潮都有義工都響度屌為乜就咁淋熄十萬人把火, 又唔將後續交比學聯, 若果當時交比學聯, 用番cy 果一招言語偽術, 反客為主, 宣佈: 大聯盟唔會強制留守政總, 但各組織自決留守與不留守, 己經另一個故事了.

    黃之峰佢未夠辣, 但主因成個組織太自閉, 由頭到尾其實係無任何組織貼埋身,

    結果初期一萬人以下係”可控” 但後來越打越亂, 甚至身邊有去既己經判定敗像.

    仲有, 高登都有留言, 今次再次證明保守中產不可信
    主辦單位可以扮保守中產打和非理吸引保守中產參加
    但絕不可以由保守中產領導群眾
    無決心的保守中產領導會阻往群眾運動發展
    仲有果班左膠一定會諗辦法影響保守中產的決定

  13. 自從日本福島地震事件後,BN(O)運動也沉寂了下來。

    (其實我真係氣餒,點解咁耐以來沒有組織去告英國政府,如果在英國要有代表既話,我願意做!)

  14. sorry, 無左..

    佢地有無播1984 呢一套片, 反國教用1984 來做題材夠直接, 講到點樣響共產下異見者點成為一個不分是非黑白的人.

  15. BNO 平權真係唔駛諗。宜家保守黨當道,根本就討厭外來移民,連一般技術移民都開始限制,你估英國真係會咁天真俾幾百萬香港人移民咩?英國好多大城巿都只係得幾十萬人口咋。一個香港可以頂六至七個一般英國城巿。

  16. Re: CL,

    香港掂, 英國有excuse唔比; 香港唔掂, 英國更有excuse 唔比.
    照我經驗, 英國佬係受硬唔受軟. 硬食左就逆來順受.
    睇下EU(EEC)話open border 就 open. 無enquire 過. 咪又係冇人做千古罪人!

  17. 選舉完就知道甚麼是團結無私,一黨專政。
    泛民選票總數多,但分散了,結果就係益人。
    民協收皮。
    人民X量的敵人是民主黨。
    民主黨的敵人是民X聯。
    敵人的敵人就是朋友!

  18. 星期五睌大會話將出現歷史時刻,我心諗,邊有咁荀呀?
    見有d爸爸單拖出席,他們的手機的wallpaper是十歲八歲的阿仔阿女,好似少林足球田雞打俾阿珍咁,不過是好有氣勢。

  19. “仲有, 高登都有留言, 今次再次證明保守中產不可信”<—-我覺得這一句比什麼「社運膠壞了事」更可信,我打死不信一個半個葉寶琳可以重要到壞得了事。

  20. 狼英現在用自由法治精神藉口, 現在本港愛囯學校可自由灌輸愛囯思想, 點解說到是禁止呢?

  21. 社運膠是膠, 但是又無形中做左一件必須要做既事, 將整個反國教行動變陣, 始終學民思潮打頭陣在融合其他社會議題上會有技術性問題, 反之轉由學聯(不過現實是佢地無戰略思維, 遠遠不及學民) 為主就可以好合理打正旗號, 長遠計要攻打港共狼英系統必須如此.

  22. 狼英不撤先科可以令香港人有介心, 事實是自回歸以來政府一直暗地裡不斷進行清洗行動.

  23. CL君,
    BN(O)平權唔係講移民,BN(O)係英國人而唔係外國人,這是基本概念. 而家係英國佬違反人權香港人要追數,點解一個國家嘅國民無權返自己國家?

發表迴響

你的電子郵件位址並不會被公開。 必要欄位標記為 *