明天點投票?反對國教、捍衛本土、力抗保皇、抗拒教徒

我決定最後一日,至公布我嘅推薦投票策略,因為我絕唔想黃毓民教信徒(唔好叫人民力量,呢個名唔配佢地)炸冧我個主機。

對我嚟講,呢次投票兩個目的:

1. 捍衛本土
2. 阻止賣港派取得最多議席
3. 國民教育公投

由於我係本土優先,所以以下選區唔駛太多分析,好明顯係得一個可以推薦,因為捍衛本土原則裡面,剩番嘅人好少

九龍西:毛孟靜(公民黨)
新界東:范國威(新民主同盟)

香港島、新界西同九龍東都係無捍衛本土候選人,所以只能考慮反賣港派問題,由於人民力量同中共關係糾纏不清過民主黨,所以民主黨唔投得,人民力量更加唔投得,因此,唔計超難投嘅香港島,篩淨以下候選人

九龍東:陶君行(社民連)、梁家傑(公民黨)
新界西:郭家麒(公民黨)、曾健成(社民連)、李卓人(工黨)、梁耀忠(街工)
麥業成由於佢同黃毓民關係密切,所以係排除對象

雖然陶君行有大中華主義者疑慮,但基於要阻止人民力量當選嘅基本原則,我建議全家配票,將選票適當分俾社民連、公民黨就得。譚香文係無機會,我建議譚香文嘅票考慮配俾梁家傑、陶君行。

如果你新界西因大中華主義疑慮,投唔落部分候選人,咁曾健成、李卓人都可以刪出你考慮名單。新界西搏余若薇入嚟有難度,但係可以搏。

港島係最頭痛,偏偏我投的是港島(天呀)。喺左度右度之後,為咗排除141主席呢件膠人上立法會,我決定會喺以下兩個人之間作浮動選舉,我甚至擲毫決定

香港島:陳家洛(公民黨)、何秀蘭(工黨)

最後,講超級區議會

超級區議會,我係無得投,因為我係資訊科技界功能組別選民。但由於反國民教育運動需要一次公投顯示實力,而地區票裡面,有部分土共扮反對國民教育混水摸魚(龐愛蘭、許清安、方國珊全屬此類),所以得超級區議會係clear cut。因此,大家喺泛民三件裡面是但揀一件以示反對國民教育。

如果你無辦法投何俊仁、馮檢基兩件有大中華主義嫌疑分子,咁你剩番專注本土議題涂謹申可以揀。如果你聽黃毓民老點投白票,話之你張票寫咗乜字,最後都只會被土共解讀為支持國民教育。叫黃毓民早抖吧。

至於傳統功能組別,果票要投,我答案好簡單

資訊科技界:莫乃光(公共專業聯盟)
法律界:郭榮鏗(公民黨)
會計界:梁繼昌(公共專業聯盟)
工程界:黎廣德(公民黨)
社會福利界:張國柱(工黨)
體育、演藝、文化及出版界:周俊輝
教育界:葉建源(教協)


3 thoughts on “明天點投票?反對國教、捍衛本土、力抗保皇、抗拒教徒

  1. 投票之餘,請 forward 任何疑似候選人請選民食飯或提供著數的資料比 ICAC 及生果、明報系刊物跟進。

  2. 今日好多只能投直選票,票站職員無比功能組別或選民超級區議會個張票既 case。

    另有好多人無搬屋,收到選舉通知,但去到投票站,職員話無你資料。

    馮華法官必須調查。

發表迴響

你的電子郵件位址並不會被公開。 必要欄位標記為 *