反對中國殖民統治香港嘅統一戰線

當中國嘅所謂反日本侵佔釣魚台示威,胡鬧到連蒼井空都攞出嚟果陣。我借釣魚台嚟抽水目的已經達到,垃圾國家、垃圾國民,打飛機就識,呢啲國家你仲認係一份子,簡直係白痴。中國已死,香港當立。

雖然香港應該自立,但中國班白痴千方百計要侵佔香港,佢地以四條戰線嚟出擊

1. 新界東北規劃(迫香港割讓土地,最終吞併香港)
2. 國民教育(洗腦,令香港人自我奴化)
3. 擊潰dbc(擊潰最後一個可能用作反擊中共的電子傳媒炮台,香港電台已經失守,大家唔駛指望)
4. 立法會選舉以舞弊,黃毓民等假民主派嚟佔據最大席位數

呢四條戰線係互為表裡,是但一條失守都死得人多。而小弟提出嘅做法如下:

針對1, 2, 3戰線,大家要一人一信,反對國民教育,反對新界東北規則,同埋要中聯辦唔好再用黃楚標玩嘢,黃楚標想唔玩唔該賣股份俾全民,或俾大班,再玩唔掂,就立法會選舉前上街。反對國民教育,無論家長定學生,要準備罷課。

針對立法會選舉,首先
1. 唔好聽人民力量班友老點,超級區議會投白票,此舉非常邪惡。以捍衛香港立場論,小弟推薦各位投涂謹申(民主黨),理由如下:

2012年7月11日立法會會議議程

3. 根據《中華人民共和國香港特別行政區基本法》第一百五十九條動議的擬議決議案

涂謹申議員動議下列議案:

議決本會同意交由香港特別行政區出席全國人民代表大會的 代表團向全國人民代表大會就《中華人民共和國香港特別行政區基本法》提出以下修改議案─

“第一條《中華人民共和國香港特別行政區基本法》第二十四條 第二款第(一)項:”(一) 在香港特別行政區成立以前或以後在香港出生的中國公民;” 修改為:”(一) 在香港特別行政區成立以前或以後在香港出生的中國公民,而該中國公民是其父母雙方或一方合法定居在香港期間所生的子女;”。”

出席的政府官員 : 政制及內地事務局局長
保安局局長

唔係拉布嘅話,涂謹申意圖啟動《基本法》修法程序,解決雙非問題,一早有機會啟動。當然,如果要確保泛民三席,可以策略性投票。

2. 除咗港島,我到依家唔知點推薦,喺九龍西、新界東,我決定推薦以下兩位:

九龍西:毛孟靜、王德全(公民黨)
新界東:范國威(新民主同盟)

呢兩位至係真正立根本土,重視本土利益候選人,王德全係dbc人,大家當投俾毛孟靜名單撐dbc,至於范國威,大家可以肯定佢多場本土運動上,佢站喺前線嘅表現。

3.至於新界西、九龍東,係無好鮮明本土導向候選人,但有必須要殲滅嘅仆街,喺新界西,麥美娟、陳恆鑌兩條茂利絕對唔可以俾佢地入去,陳恆鑌同愛護香港力量呢個暴力組織關係密切,所以我建議大家投俾公民黨郭家麒、余若薇名單,策略上趕陳恆鑌、麥美娟出局。而九龍東,我唯一想消滅嘅友係謝偉俊,一條hihi中嘅hi,我個人傾向係陶君行,我會呼籲譚香文、黃洋達嘅票源集中俾陶君行好過,但如果臨尾有大變局,策略上可以趕走謝偉俊嘅話,我都會叫人投黃洋達。只不過,我未睇到依家我有必要呼籲大家支持黃洋達。我目標好簡單,誰能趕走謝偉俊,我支持誰。

4. 港島,講真我完全投唔落手,我身為呢區選民唔知投乜。但如果投俾陳家樂可以令陳淑莊留番喺度,我考慮忍痛投俾公民黨,但我極唔認同陳教授,甚至係憎惡。

5. 至於資訊科技界,我只係想譚偉豪收工,大家明要點做。阻止網絡廿三條,iT界兵家必爭。

6. 文化界,務必要令馬逢國呢件土共低票當選,條仆街撐網絡23條同國民教育。


9 thoughts on “反對中國殖民統治香港嘅統一戰線

  1. 另外, 立法會, 今屆我完全覺得係亂鬥, 而且立法會跟區議會規則唔同, 就算話投一兩個”本土派” 但若然結果係整個泛民配票失敗的話, 都係輸得好難看.

    與其話推介一兩個, 而家更加緊要係研究一下民間配票策略.
    好似九東, 陶君行 / 皇洋達vs 謝偉俊, 係最好既欖炒例子.

  2. 怎樣理解蘋果日報連續四日頭條有關大陸保釣新聞,等於變相打壓本地民間活動?

    另外要保住四條戰線,難矣。睇見中共那麼有組織,令香港人疲於奔命,萬一失手,香港人要怎樣自補?

  3. DBC 一事, 既然黃楚標有講過 “無話唔賣”, 咁就 “純粹商業考慮” 同佢玩
    買賣嘅事講嘅係價錢, 係就同佢計個價出嚟, 然後全民夾錢。到價佢就賣, 唔到價就俾佢還價
    如果佢唔還價, 或者表示唔想MAKE 呢單DEAL, 就一嘢BANG埋去 “有錢搵都唔要, 呢個仲唔係西環柯打嘅政治任務咁係乜?”

  4. 唔係妥唔妥人仔的問題,而是投邊D人先有機會贏的問題。我都覺得黃洋達贏面唔大。

  5. 唉,八個comments之後再沒有人討論,本來已經有理論冇實踐,而家…

    香港註定比中國大陸吃掉了。

發表迴響

你的電子郵件位址並不會被公開。 必要欄位標記為 *